Yoshua 4:14 - MUKANDA WA MYIDI MUKULU

¹⁴ Dituku adi, Maweja-Nangila kujadika bumfumu bua Yoshuwa ku mesu kua bena Izrayele bonsu. Matuku onsu avua Yoshuwa mulale panu, bena Izrayele bavua bamunemeka bu muvuabu banemeka Moshe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Dituku adi Yehowa wakabandisha Yoshua ku mesu kua Bena Isalele bonso; bobo bakamutshina bu muakatshinabo Mose matuku onso a muoyo wandi.

Yoshua 4:14 Referans Kwoze

Yoshua 3:7

Maweja-Nangila kuambila Yoshuwa ne: — Biangatshile ku lelu, ndi njadika bumfumu buebe ku mesu kua bena Izrayele bonsu. Nebamanye ne: ndi nebe, bu mumvua ne Moshe.

2 Kulondolola 30:12

Mu bukalenga bua Yuda, Maweja-Nangila kuambuluisha bantu, bua bitabe bonsu ne muoyi umue mua kukumbaja bionsu bivua mukalenga Izkiya ne bakulu babambile mu dina dia Maweja-Nangila.

Rome 13:4

Bualu bamfumu badi bakuatshila Mvidi Mukulu mudimu, bua kukusaka ku dienza dia malu mimpe. Kadi paudi wenza malu mabi, wabatshina! Bidi bimpe bua bamfumu bapete bumfumu bua kunyoka bantu. Ke mudibu bakuatshila Mvidi Mukulu mudimu, bua kuleja tshiji tshidiye ulekela badi benza bibi.

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

Nsumuinu 24:21

Muananyi, unemeke Maweja-Nangila, unemeke ne mukalenga kabidi. Kubuelakanyi ne bantu badi basue kukudimuna malu onsu.

1 Samuele 12:18

Samuwele kulomba Maweja-Nangila. Dituku adi, Maweja-Nangila kudidisha makubakuba, kulokesha mwla. Bena Izrayele bonsu kutshipa Maweja-Nangila ne Samuwele bikole.

Ekesode 14:31

Kujadikabu ne: Maweja-Nangila mmubasungidile mu bianza bia bena Ejipitu ku bukole buende. Bantu bonsu kutshina Maweja-Nangila, kumutekemena. Kutekemena kabidi kudi muntu wende Moshe.

1 Korente 10:2

Bu muvuabu bapitshile mu divuba ne mu mayi manene, mbamane kubatua bonsu mu mayi, bua bikale balongi ba Moshe.

Yoshua 4:13

Bantu bu binunu makumi anayi, bambule bia mvita, kusabuka musulu wa Yardene, Maweja-Nangila mutangile, balonde njila wa ku mpata ya Yeriko.

Yoshua 4:15

Pashishe Maweja-Nangila kuambila Yoshuwa ne:

Ekesode 11:3

Maweja-Nangila kuambuluisha bena Izrayele. Kupetabu diakalenga kudi bena Ejipitu. Kabidi Moshe uvua ne lumu lunene mu ditunga dia Ejipitu. Bavua bamunemeke bikole kudi balombodi ba mu bukalenga ne kudi bena Ejipitu bakuabu bonsu.

2 Bakalenga 2:15

Bantu ba mu tshisumbu tshia bambi bavua mu tshimenga tshia Yeriko bavua batangila pa bule, bamone bionsu bivua Elisha wenza. Kuambilanganabu ne: “Mueyelu wa muambi udi ulombola Elisha.” Kuyabu kusambakena ne Elisha. Kumutuilabu mpala panshi,

1 Kulondolola 29:25

Bena Izrayele kudimuena mudi bukalenga bua Shelomu budiunda. Maweja-Nangila wakamupesha butumbi buvua bupite bua bonsu bavua bamudianjidile mu nkuasa wa bukalenga mu bena Izrayele.