Yoshua 3:3 - MUKANDA WA MYIDI MUKULU

³ bambila bantu ne: — Panudi numona batuangaji ba bena Levi bambule mushete wa ndondu wa Maweja-Nangila Mvidi Mukulu wenu, numuangale bonsu muaba awu, nubatue mu nyima.

Mukanda wa Nzambi Dihungila Dikulukulu ne Dihungila Dihia-dihia 2003

³ yakambila bantu ne, Hanuatangila mushete wa tshihungidi tshia mei a Yehowa, Nzambi wenu, ne bakuidi Bena Lewi bautuala, nenumuke ku muaba unudi, nenûlonde.

Yoshua 3:3 Referans Kwoze

Dielulula 31:9

Moshe kufunda mikenji ya Mvidi Mukulu, kuyipesha batuangaji, ndelanganyi ya bena Levi, bavua ne mudimu wa kuambula mushete uvua ne mikenji ya ndondu. Kuyipeshaye kabidi bakulu ba bena Izrayele.

2 Samuele 6:13

Bantu bavua bambula mushete bamane kuenda mutantshi wa makasa asambombu, Davide kulambula ngombe mulume ne muana wa ngombe wa manyi.

Yoshua 3:8

Kadi wewe ambila batuangaji badi bambula mushete wa ndondu ne: padibu bafika ku muelelu wa Yardene, babuele mu mayi, bimane.

Dielulula 31:25

kuambilaye bena Levi bavua ne mudimu wa kuambula mushete wa Maweja-Nangila ne:

Dibadika 10:33

Bena Izrayele kumuangala ku mukuna wa Maweja-Nangila, kuenda matuku asatu. Mushete wa ndondu uvua mubadianjidile bua kubaleja muaba uvuabu mua kuasa mitanda yabu bimpe.

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.

Matayi 16:24

Pashishe Yezu kuambila balongi bende ne: — Pikala muntu musue kuenda nanyi mu njila, anji kudibenga, ambula wende mutshi mutshiamakane, andonde.

Matayi 8:19

Ke mulongeshi wa mikenji kusemena kudiye, umuambila ne: — Mulongeshi, nenkulonde kuonsu kuwaya.

2 Samuele 6:3

Mushete awu uvua pa kakuna, mu nzubu mua Abinadabe. Kuutekabu mu ditempu ditshivua dipiadipia, kuyabu nawu. Uza ne Akiyo, bana ba balume ba Abinadabe, bavua baludika ditempu adi,

Yoshua 6:6

Yoshuwa, muana wa Nune, kubikila batuangaji, ubambila ne: — Ambulayi mushete wa ndondu wa Maweja-Nangila pa makaya. Bantu muanda mutekete ba kunudi badianjile kupita kumpala kua mushete wa ndondu, benda bela mpungi.

Yoshua 4:10

Batuangaji, bavua bambule mushete wa ndondu, kuimanabu munkatshi mua Yardene too ne padi bena Izrayele bakumbaja bionsu bivua Maweja-Nangila mubambile kudi Yoshuwa. Ke muvua Yoshuwa mukumbaje bionsu bivua Moshe mumuambile nanku. Bena Izrayele kusabuka musulu lukasa.

Yoshua 3:6

Butshia, Yoshuwa kuambila batuangaji bua bambule mushete wa ndondu, bapita kumpala kua bena Izrayele. Batuangaji kuenza nanku.

Dibadika 4:15

Diba dia luendu, anu Arone ne bana bende ba balume bamane kubuikila bintu bia tshijila, ke bena Kekate kushisha kuambula bintu bia tshijila abi bua kuya nabi. Nanku, bena Kekate kabena ne bua kulenga bintu bia tshijila abi ne bianza to, bualu badi mua kufua. Nanku mudimu wa bena Kekate mu ntenta wa kusambakena ngwa kuambula bintu bia tshijila.

Yoshua 3:4

Ke munudi mua kumanya njila wa kulonda. Katshia kanuvua banji kupitshila muaba ewu to. Kadi kanusemenyi pabuipi ne mushete wa ndondu to. Nuikale bashilangane nawu misangu yonsu, mutantshi wa kilometre bu umue.

1 Samuele 6:15

Bena Levi bavua bamana kumbusha mushete wa Maweja-Nangila uvua pa ditempu, ne kashete kavua ne bintu bia tshiamu tshia mpawungi. Bavua babiteka pa dibue dinene. Pashishe, bena mu tshimenga tshia Bete-Shemeshe, kulambula Maweja-Nangila milambu ya kuosha ne ya bobumue anu dituku adi.

1 Bakalenga 8:3

Bakulu ba bena Izrayele bamane kufika, batuangaji kuambula mushete wa ndondu.

Yirmeya 33:18

Kabidi bantu ba ku ndelanganyi ya bena Levi nebashale kashidi batuangaji badi bangenzela mudimu, bandambula milambu yakuosha, ya bia pa madimi, ne ya ditua ndondu.