Yoshua 24:2 - MUKANDA WA MYIDI MUKULU

² Yoshuwa kubambila bonsu ne: — Telejayi tshidi Maweja-Nangila, Mvidi Mukulu wa bena Izrayele, wamba: “Ku kale, bankambua benu bavua base dishiya dia musulu munene wa Perate, batendelelamu mvidie ya bantu benyi. Bankambua benu abu bavua bena diku dia Tera, tatuende wa Abrahame, ne wa Nakore.

Mukanda wa Nzambi Dihungila Dikulukulu ne Dihungila Dihia-dihia 2003

² Yoshua wakambila bantu bonso ne, Yehowa, Nzambi wa Isalele, udi Wamba ne, Kale bankambua benu bu Tela, tatu wa Abalahama ne wa Nahô, bakadi bashikama dishiya dia musulu wa Pelata, bakadi batendelela nzambi mikuabo.

Yoshua 24:2 Referans Kwoze

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Genese 31:30

Nanku uvua musue kupingana kuenu bua kumonangana ne baledi bebe. Mbimpe! Kadi udi muibe mpingu ya mvidie indi ntendelela bua tshinyi?

Yezekiyele 16:3

Ubamanyishe miaku indi meme Maweja-Nangila Mvidi Mukulu nkuambila ya ne: “Kenaane nditunga dia bankambua bebe, muaba uvuabu bakulelele. Tatuebe uvua muena Amore, mamuebe muena Iti.

Yeshaya 51:2

Vulukayi Abrahame tatuenu, ne Sara uvua munulele. Abrahame kavua ne muana, pamvua mumubikile. Kadi meme kumuela lupemba, ndelanganyi yende kuvulangana pa buloba.

Dielulula 26:5

Pashishe muntu udi ufila bintu abi, neambe kabidi kumpala kua Maweja-Nangila ne: “Nkambua wanyi uvua muena Arame, kayi ne muaba wa kusomba. Kadi uyile kusomba ku Ejipitu ne tshisumbu tshikese tshia bantu bavuaye nabu. Bantu abu kuvulangana, kuenza tshisamba tshinene tshia bantu, tshia bukole kabidi.

Genese 35:4

Nanku bantu bonsu kumupesha mpingu yonsu ivua ileja mvidie ya bisamba bikuabu ivuabu nayi, kumupesha kabidi ne tukanu tua ku matshi tavuabu natu. Yakobe kubijika bionsu muinshi mua mutshi wa lusanga udi pabuipi ne tshimenga tshia Shekeme.

Genese 31:53

Mvidi Mukulu wa Abrahame ne wa Nahore akose nsambu yetu nebe. Pashishe Yakobe kuditshipa mu dina dia Mvidi Mukulu uvua mukuatshisha tatuende Izake bowa.

Genese 31:32

Kadi wewe musangane muntu ne mpingu ya mvidie yebe, muntu awu neafue. Ukebe bimpe mu bintu bianyi bionsu, bena diku diebe bonsu batangile. Wewe musangane bintu biebe bikuabu, ubiangate, uye nabi. Yakobe uvua wamba nanku, bualu kavua mumanye ne: Rakele muibe mpingu ya mvidie ivua bena diku dia tatuende batendelela.

Genese 31:19

Kadi pavua Labane muye kukosa miosa ya mikoku yende, Rakele kuiba mpingu ileja mvidie ivua bena diku dia tatuende Labane batendelela.

Genese 11:26

Tera mumane kukumbaja bidimu makumi muanda mutekete, kulelaye Abrame, Nahore ne Arane.

Luke 3:34

Yakobe, Izake, Abrahame, Tera, Nakore,

Genese 11:24

Nahore mumane kukumbaja bidimu makumi abidi ne tshitema, kulelaye Tera.

Genese 11:27

Ndelanganyi ya Tera, tatuende wa Abrame, wa Nahore ne wa Arane idi nunku: Arane kulela Lote.

Genese 11:22

Seruga mumane kukumbaja bidimu makumi asatu, kulelaye Nahore.

1 Kulondolola 1:27

Tera uvua tatuende wa Abrame. Pashishe Abrame kupeta dina dia Abrahame.