Yoshua 23:9 - MUKANDA WA MYIDI MUKULU

⁹ Maweja-Nangila mmumane kunuipatshila bisamba bivua kumpala kuenu, bisamba binene, bivua kabidi ne bantu ba bukole. Nanku too ne mpindiewu, kakuena muntu nansha umue uvua mua kunupita bukole to.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa wakanuihatshila bisamba binene ne bikole; kakuakadi muntu wakanutantamena tô ne ku dituku edi.

Yoshua 23:9 Referans Kwoze

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Dielulula 11:23

Nanku panuafika pabuipi ne ditunga adi bua kudikuata, Yeye neanuipatshile baluishi benu, badi banupita ku bungi ne ku bukole.

Yoshua 23:5

Maweja-Nangila Mvidi Mukulu wenu, Yeye nkayende neipate bisamba ebi kumpala kuenu. Neabinyemeshe, panuasemena pabuipi. Nenukuate ditunga diabu, bu muvua Maweja-Nangila mumane kulaya.

Ekesode 23:30

Nembipate ku kakese ku kakese too ne panuavulangana bua nuenu kupiana ditunga.

Yoshua 15:14

Kalebe wakipata meku asatu abena Anake awa mu tshimenga atshi: ke bena Sheshayi, bena Akimane ne bena Talmayi.

Dielulula 7:24

Maweja-Nangila neafile bakalenga babu kunudi. Nenubabutule bonsu, kabayi babavuluke kabidi pa buloba. Muntu nansha umue kakunutuila nkanana. Nebabutuke bonsu.

Bienzedi 7:45

Bankambua betu bakuabu bavua bapiane ntente ewu. Bavua bamuambula diba divua Yoshuwa, mulombodi wabu, mukuate nabu ditunga divua dia bisamba bia bende. Bisamba abi, Mvidi Mukulu uvua ubipata, pavua bena Izrayele benda babuela mu ditunga. Nanku ndelanganyi yonsu ya bena Izrayele kushala ne ntente awu, too ne ku tshikondu tshia Davide.

Ekesode 23:23

“Kabidi mutumibue wanyi awu, neende kumpala kuenu bua kunufikisha mu ditunga dia bena Amore, bena Iti, bena Perizi, bena Kenaane, bena Ivi ne bena Yebusa. Nembutule bena bisamba ebi bionsu.

Yoshua 23:8

Nuitabe amu Maweja-Nangila Mvidi Mukulu wenu, bu munudi numuitaba too ne ku mpindiewu.

Yoshua 24:18

Maweja-Nangila ke uvua muipate bisamba bionsu bivua kumpala kuetu, nangananga bena Amore bavua mu ditunga ditudi edi. Nanku tuetu netuenzele amu Maweja-Nangila mudimu. Bualu Yeye ke Mvidi Mukulu wetu.

1 Bakalenga 21:26

Mukalenga Akabe udi mutambe kuenza bibi, nangananga padiye utendelela mvidie bu muvua bena Amore batendelela. Bena Amore ke bavua Maweja-Nangila muipate mu ditunga bua kushilabu bena Izrayele muaba.

2 Kulondolola 20:7

Wewe Mvidi Mukulu wetu ke uvua muipate bena ditunga edi pafiki bantu bebe bena Izrayele. Buloba ebu, kuena mubupeshe ndelanganyi ya mulunda webe Abrahame kashidi anyi?