Yoshua 23:11 - MUKANDA WA MYIDI MUKULU

¹¹ Nanku nudimuke, nunange amu Maweja-Nangila Mvidi Mukulu wenu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nudimuke bienu bua nuenu nusue Yehowa, Nzambi wenu.

Yoshua 23:11 Referans Kwoze

Yoshua 22:5

Kadi nukumbaje bimpe mikenji yonsu ivua Moshe, muntu wa Maweja-Nangila, munuambile ne: nunange Maweja-Nangila Mvidi Mukulu wenu, nuenze bionsu bidiye musue, nukumbaje mikenji yende. Nuitabe amu Maweja-Nangila, numuenzele mudimu ne muoyi mujima, ne bukole buenu buonsu.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

1 Korente 16:22

Pikala muntu kayi unanga Mfumu, ikale mutshipa! Maranatha — Mfumu wetu vuakunu!

1 Korente 8:3

Amu muntu udi unanga Mvidi Mukulu, ke udi Mvidi Mukulu mumanye.

Ekesode 20:6

Kadi bantu badi bannange, batumikile mikenji yanyi, nembanange, mbenzele bimpe too ne ku ndelanganyi tshinunu.

Efeze 5:15

Kanuenji malu bu bantu batatakane. Nuikale bantu ba meji.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Dielulula 4:9

Nanku nuenu bena Izrayele, dimukayi. Nudi bamanye bionsu bidi Maweja-Nangila muenze. Kanuena mua kubipua muoyi musangu nansha umue to. Nubivuluke, nubilondele bana benu ne bikulu benu.

Dielulula 4:15

Kadi, nutambe kuvuluka bualu ebu: Dituku divua Maweja-Nangila wakula nenu ku mukuna wa Sinayi, munkatshi mua kapia, kanuvua bamumone to.

Yoshua 23:10

Muntu umue wa kunudi, udi mua kutshimuna baluishi tshinunu, bualu Maweja-Nangila Mvidi Mukulu wenu, udi ku luseke luenu, unuluila mvita, bu muvuaye mumane kulaya.

Yoshua 23:12

Nuenu babenge Maweja-Nangila, bumvuangane ne bantu ba bisamba bikuabu batshidi bashale munkatshi muenu, nuenu basele bana babu ba bakaji, babuelakane nabu, bobu babuelakane nenu,

Dielulula 30:16

Nudimuke, nukumbaje mikenji indi nnuambila lelu eyi: nunange Maweja-Nangila Mvidi Mukulu wenu, nulonde njila idiye unuleja, nutumikile meyi ende ne mikenji yende. Nanku nenushale ne muoyi; nenuvulangane. Maweja-Nangila neanuenzele bimpe mu ditunga dinuakuata.

Dielulula 30:20

Nangayi Maweja-Nangila Mvidi Mukulu wenu, numutumikile, numuitabe ne muoyi umue. Nanku nenushale ne muoyi bidimu bia bungi mu ditunga di-vuaye mulaye bankambua benu, Abrahame, Izake ne Yakobe.