Yoshua 21:43 - MUKANDA WA MYIDI MUKULU

⁴³ Maweja-Nangila kupesha bena Izrayele ditunga adi dionsu dijima divuaye mumane kulaya bankambua babu. Kukuatabu ditunga adi, kuasamu.

Mukanda wa Nzambi Dihungila Dikulukulu ne Dihungila Dihia-dihia 2003

⁴³ Nunku Yehowa wakaha Bena Isalele buloba buonso buakalayeye bankambua babo; bakabunyenga, bakashikamamu.

Yoshua 21:43 Referans Kwoze

Genese 13:15

Buloba ebu buonsu nenkupeshabu kashidi ne ndelanganyi yebe.

Genese 28:4

Mvidi Mukulu akuele wewe ne ndelanganyi yebe lupemba, muvuaye muele Abrahame, bua ditunga diudi usomba bu muenyi edi, didi Mvidi Mukulu mupeshe Abrahame, dishale diebe.

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Dielulula 11:31

Nuenu bena Izrayele, nukadi pa kusabuka musulu wa Yardene, bua kubuela mu ditunga edi, didi Maweja-Nangila Mvidi Mukulu wenu unupa. Nenudikuate bua kusombamu.

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Dielulula 17:14

Panuafika mu ditunga didi Maweja-Nangila Mvidi Mukulu wenu munupe bua kusomba, misangu mikuabu nenuikale ne dijinga dia kupeta mukalenga, bua nuikale mudi bisamba bikuabu binudi nabi mutumba.

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Dielulula 34:4

Ke Maweja-Nangila kuambila Moshe ne: — Tangila ditunga dimvua mulaye Abrahame, Izake ne Yakobe, mubambile ne: “Nempeshe ndelanganyi yenu ditunga edi.” Ndi nkulejiladi anu pa bule, kadi kuena ufikamu to.

Dibadika 33:53

Nukuate ditunga diabu, nusombemu. Ditunga nedishale dienu, bualu ndi mumane kunupeshadi.

Yoshua 21:42

Tshimenga tshionsu tshivuabu bababanyine tshivua ne mpata ya kudishila bimuna.

Nehemya 9:8

Wewe kujadika muvuaye mukuitabe ne muoyi umue. Nanku wewe kutua nende ndondu: kumulaya bua kumupesha ditunga dia bena Kenaane, bena Iti, bena Amore, bena Perizi, bena Yebusa ne bena Ngirgashi, bua ndelanganyi yende isombemu. Wewe kukumbaja biuvua muambe, bualu wewe udi wa diyi dimue.

Nehemya 9:24

Bantu bebe kubuela mu ditunga edi, kudikuata. Wewe kutekesha bena Kenaane, bua bashale ku bumfumu buabu. Bantu bebe kuenza bu mudibu basue, ne bakalenga ne bisamba bivua muaba awu.

Dibadika 34:2

bua kumanyisha bena Izrayele ne: — Panuafika mu ditunga dia Kenaane, dindi mumane kunupesha, mikalu yadi idi mushindu ewu:

Dielulula 12:29

Panuafika mu ditunga, Maweja-Nangila Mvidi Mukulu wenu neabutule bisamba bionsu bidi mu ditunga adi. Nanku nenubinyenge ditunga adi bua nusombemu.

Yoshua 1:6

Kolesha muoyi, kutekeshi mu maboku to. Bualu wewe neulombole bena Izrayele, bua kukuatabu ditunga dimvua mulaye bankambua babu.

Balombodi 11:24

Kuena ne buebe buloba buvua mvidie webe Kemoshe mukupe anyi? Nanku tuetu kabidi, tudi ne buetu buloba, buvua Maweja-Nangila muanyishe bua tuetu kubukuata.

1 Samuele 12:8

Yakobe ne bena diende bonsu bamane kuya mu Ejipitu, bankambua benu kukenga bikole. Kubikilabu Maweja bua abambuluishe. Maweja-Nangila kutuma Moshe ne Arone bua kupatula bena Izrayele mu Ejipitu, ne bua kubafila mu ditunga ditudi edi.

2 Kulondolola 20:8

Ndelanganyi ayi kusombamu, kukuashila muaba wa tshijila bua kuntendelelamu. Pashishe kuambabu ne:

Misambu 78:55

Kuipataye bisamba bia bantu benyi bobu batangile, kubapeshaye buloba ebu, bu bumpianyi buabu. Kupingajaye bena Izrayele mu buloba bua bena Kanaane.

Misambu 105:8

Udi uvuluka ndondu wende kashidi, ne diyi divuaye muambe, bua ndelanganyi tshinunu.

Yirmeya 32:23

Bushuwa, bavua bangata ditunga edi. Kadi kabavua bateleja tshiuvua wamba. Kabavua balonda mikenji yebe. Kabavua benza tshiuvua mubatumine diyi. Ke muuvua mutume makenga onsu aa atudi tumona lelu.