Yoshua 2:24 - MUKANDA WA MYIDI MUKULU

²⁴ Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bobo bakambila Yoshua ne, Bulelela, Yehowa wakadia buloba buonso mu bianza bietu; ne bualu bukuabo kabidi, bena buloba bonso badi batekete-teketê ku mpala kuetu.

Yoshua 2:24 Referans Kwoze

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Nsumuinu 25:13

Bu mudi mayi matalala akolesha muntu tshikondu tshia luya tshidibu banowa bia pa madimi, ke mudi muntu udi ukumbaja bualu budibu bamutumine ukolesha mfumuende ku muoyi.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.

Yoshua 1:8

Nanku ubalulule amu kubalulula malongesha adi mu mukanda wa mikenji. Udikonke, udiele meji bua malu awu, butuku ne munya, bua ukumbaje bionsu bidibu bafunda mu mukanda awu. Nanku, bionsu biudi muele meji a kuenza nebikumbane. Neupete dikasa dimpe.

Ekesode 15:15

Bamfumu ba bena Edome kutshina! Bilobu bia bena Mowabe kuzakala! Bena Kenaane kupanga tshia kuenza.

Yoshua 2:23

Pashishe batentekedi babidi abu, kumuka mu mikuna, muaba uvuabu basokome. Kusabukabu Yardene, kufika muaba uvua Yoshuwa. Kumulondelabu bionsu bivua bibenzekela.

Balombodi 7:9

Butuku abu, Maweja-Nangila kuambila Ngideyone ne: — Juka, uye kubunda bena Madiyane badi mu mitanda yabu. Bualu meme ndi nkupeshabu.

Yoshua 6:2

Nanku Maweja-Nangila kuambila Yoshuwa ne: — Tangila mundi nkupesha tshimenga tshia Yeriko, mukalenga watshi ne bena mvita bende.

Yoshua 8:1

Maweja-Nangila kuambila Yoshuwa ne: — Kutshinyi, kuzakadi. Angata bena mvita bebe bonsu. Nuye kuluisha bena tshimenga tshia Ayi. Meme ndi nkupesha mukalenga wa bena Ayi, bantu bende, tshimenga tshiende, ne ditunga diende dijima.

Balombodi 1:2

Maweja-Nangila kubandamuna ne: — Bantu ba mu tshisamba tshia Yuda, ke badi mua kudianjila kuluisha bena Kenaane, bualu ndi mbapesha ditunga adi.

Balombodi 18:10

Panuafikamu, nenusangane bantu abu kabayi badimuke to. Mbase mu buloba bualabale. Mvidi Mukulu neafile buloba abu mu bianza bienu. Kabidi bintu bilenga bionsu bia panshi pa buloba bidi mu buloba abu.