Yoshua 18:19 - MUKANDA WA MYIDI MUKULU

¹⁹ Udi utungunuka luseke lua ku mutu kua Bete-Ogla, ushikidila ku mutu menemene kua Mayi manene a luepu, muaba udi musulu wa Yardene udielamu. Ke mukalu wa kuinshi mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ wakayila ku luseke lua ku nôde ku Bete-hogola; wakahatuka ku tshinkonya tshia ku nôde tshia Dishiba dia Luehu kuinshi kua Yadene ku sude: eu mmukalu wa ku sude.

Yoshua 18:19 Referans Kwoze

Yoshua 15:2

Mukalu wabu wa kuinshi uvua utuadija kuinshi kua Mayi manene a luepu.

Genese 14:3

Bakalenga batanu aba kudisangisha mu tshibandabanda tshia Sidime (mmumue ne muaba udi lelu Mayi manene a luepu). Kumvuanganabu bua kuluangana mvita.

Yeshaya 11:15

Maweja-Nangila neakamishe musapa wa mayi manene a Ejipitu. Yeye neakanyine ne tshianza tshiende musulu wa Perate. Ku bukole bua Mueyelu wende, neaukosolole tusulu muanda mutekete, tudibu mua kusabuka ku makasa.

Yoshua 12:3

Sihone uvua kabidi ulombola bantu bavua mu tshibandabanda mu tshitupa tshia luseke ludi diba dipatukila lua musulu wa Yardene, biangatshile ku dijiba dia Ngenesarete, luseke lua ku mutu, too ne ku Mayi manene a luepu, pabuipi ne Bete-Yeshimote, ne ku mukuna wa Pisga, kuinshi menemene mu ditunga.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.

Dielulula 3:17

Mikalu idi luseke ludi diba dibuelela, idi ilonda tshibandabanda tshia Yardene, biangatshile ku dijiba dia Ngenesarete too ne ku Mayi manene a luepu, too ne ku mukuna wa Pisga, luseke ludi diba dipatukila.

Dibadika 34:3

“Kuinshi kua ditunga, mukalu wenu newikale tshipela tshia Tsine, ne ditunga dia bena Edome. Ku luseke ludi diba dipatukila mukalu wenu neubange kuinshi menemene kua Mayi manene a luepu.

Genese 19:25

Mvula awu kubutula bimenga bionsu bibidi, kushipa bantu, kunyanga ditunga ne madimi mene kashidi.

Yoshua 18:18

Pashishe mukalu awu udi ulonda tshibandabanda tshia musulu wa Yardene, upitshila ku mutu kua mukuna udi utangila tshibandabanda atshi.

Yoshua 18:20

Musulu wa Yardene uvua wenza mukalu wa ku luseke ludi diba dipatukila. Ke mushindu uvua mikalu ya buloba buvua Yoshuwa muabanyine tshisamba tshia bena Binyamine, bilondeshile mudi meku abu.