Yoshua 18:1 - MUKANDA WA MYIDI MUKULU

¹ Bena Izrayele bamane kukuata ditunga, kudisangishabu bonsu mu Silo. Kuasabu ntenta wa kusambakena muaba awu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Isalele bonso bakadisangisha ku Shilo, bakashimikaku ntenta wa kusambakena; buloba buonso buakadi talalâ ku mpala kuabo.

Yoshua 18:1 Referans Kwoze

Yoshua 19:51

Mutuangaji Elazare, Yoshuwa muana wa Nune, ne bamfumu ba meku a bisamba bia bena Izrayele, kutshinka bua kuabanya maloba onsu aa. Bavua babanyanganawu pavuabu mu Silo, muaba uvua Maweja-Nangila, mu mushiku wa ntenta wa kusambakena. Ke muvuabu bajikija mudimu wa diabanyangana ditunga nanku.

1 Samuele 1:3

Tshidimu tshionsu, Elkana uvua umuka mu tshimenga tshia Rama, uya mu nzubu wa Mvidi Mukulu wa ku Silo bua kutendelela Maweja-Nangila Mvidi Mukulu wa Izrayele, ne kumulambula milambu. Ofni ne Pinhase, bana ba balume babidi ba mutuangaji Eli, ke bavua batuangaji ba Maweja-Nangila mu Silo.

Yoshua 21:2

mu Silo, mu ditunga dia Kenaane. Kubambilabu ne: — Maweja-Nangila uvua mumane kutumina Moshe diyi, bua nutupe bimenga bitudi mua kusomba, ne mpata idi pabuipi nabi, itudi mua kudishila bimuna bietu.

Yirmeya 26:6

Panudi kanuyi nuteleja, nengupule nzubu wa Mvidi Mukulu ewu, bu mumvua mupule wa mu Shilo. Nenteke Yerushalayime bu tshilejilu tshidi bantu ba bisamba bionsu bia pa buloba, batela padibu baditshipa mutshipu.”

Yoshua 22:9

Ke ndelanganyi ya Rubene, ya Ngade, ne ya mu tshitupa tshia tshisamba tshia bena Menashe tshivua luseke ludi diba dipatukila lua Yardene, kupingana kuabu. Kushiyabu bena Izrayele bakuabu mu Silo, mu ditunga dia Kenaane. Kupinganabu mu ditunga dia Ngilaade, divuabu bababanyine, bu muvua Maweja-Nangila mumane kuambila Moshe.

Misambu 78:66

Maweja-Nangila kukuma baluishi bende, kubipata, kubafuisha bundu kashidi.

1 Bakalenga 14:2

Ke Yerobowame kuambila mukajende ne: — Udisokoke, uvuale bilamba bia mukaji mukuabu, bua bantu kabamanyi ne: udi mukajanyi to. Pashishe uya ku Silo, kudi muambi Akiya. Bualu muambi Akiya uvua mungambile ne: wewe Yerobowame neushale mukalenga wa bena Izrayele.

1 Bakalenga 2:27

Nanku Shelomu kukandika Abiyatare midimu ya butuangaji ivuaye wenzela Maweja-Nangila. Ke muvua bionsu bivua Maweja-Nangila mumane kuamba ku Silo, muaba wa tshijila, bua kunyoka bena nzubu wa mutuangaji munene Eli, bikumbana.

1 Samuele 1:24

Ane mumane kutekesha muana dibela, nansha mutshivuaye mutekete, Ane kuya nende mu nzubu wa Maweja-Nangila ku Silo. Ane ne bayende Elkana, kuangata ngombe mulume wa bidimu bisatu, mufuku wa bukula ne mulondu wa biseba muwule ne maluvu.

Balombodi 18:31

Bena Dane bavua anu batendelela lupingu lua Mika matuku onsu awa muaba wa tshijila wa Mvidi Mukulu mu Silo.

1 Bakalenga 14:4

Mukaji wa Yerobowame, kuenza bionsu abi. Kuyaye ku Silo. Kufikaye ku nzubu kua muambi Akiya. Muambi Akiya uvua mumane kukola mukulakaje, katshiyi umona kabidi to.

Balombodi 21:19

Bena Izrayele kuvuluka ne: tshibilu tshia Maweja-Nangila tshia ku tshidimu tshionsu ku Silo, tshidi pabuipi. Silo ntshimenga tshivua ku mutu kua Betele, kuinshi kua Lebona, luseke ludi diba dipatukila lua njila udi mumuke ku Betele muye ku Shekeme.

Bienzedi 7:45

Bankambua betu bakuabu bavua bapiane ntente ewu. Bavua bamuambula diba divua Yoshuwa, mulombodi wabu, mukuate nabu ditunga divua dia bisamba bia bende. Bisamba abi, Mvidi Mukulu uvua ubipata, pavua bena Izrayele benda babuela mu ditunga. Nanku ndelanganyi yonsu ya bena Izrayele kushala ne ntente awu, too ne ku tshikondu tshia Davide.

Yoshua 18:2

Kadi kuvua kushala kabidi munkatshi mua bena Izrayele, bisamba muanda mutekete bivua kabiyi bianji kupeta abi maloba.

Yoshua 18:8

Bantu bavuabu basungula bua kuya kutentekela ditunga kudilongolola bua kuya. Bangabanga ne kumukabu, Yoshuwa kubambila ne: — Nuye, nuendakane ditunga dijima. Nujadike bimpe menemene mushindu udidi. Nupingane bua kungambila bionsu binuikala bamone. Nanku amu munemu mu Silo, muaba udi Maweja-Nangila, meme nentshinke bua kumanya bitupa bia buloba bishilangane binudi mua kupeta.

Yoshua 22:12

Bena Izrayele bumvue nanku, kudisangishabu bonsu ku Silo, bua kuya kuluisha bisamba bia bena Izrayele bivua ku luseke ludi diba dipatukila lua Yardene.

2 Samuele 7:6

Bualu biangatshile dituku dimvua mupatule bena Izrayele mu Ejipitu too ne mpindiewu, katshia tshiena muanji kusomba mu nzubu to. Kadi, mvua anu musombe mu ntenta, muaba wa tshijila, ngendakana ne bena Izrayele mu njila. Matuku awu onsu, mvua muteke balombodi bashilangane bua baludike bantu banyi bena Izrayele bimpe. Kadi tshivua mujane mulombodi nansha umue ne: kena mungashile nzubu wa mitshi ya sedre bua tshinyi?

Nehemya 9:24

Bantu bebe kubuela mu ditunga edi, kudikuata. Wewe kutekesha bena Kenaane, bua bashale ku bumfumu buabu. Bantu bebe kuenza bu mudibu basue, ne bakalenga ne bisamba bivua muaba awu.

Misambu 78:60

Kushiyaye nzubu wende wa Silo, ntenta uvuaye musombe munkatshi mua bantu.

Yirmeya 26:9

Mmunyi mudi mulumiana ewu mua kuambila bantu mu dina dia Maweja-Nangila ne: nebupule nzubu wa Mvidi Mukulu ewu, muvuabu bupule wa mu Shilo; nansha ne: tshimenga etshi netshibutuke, bantu kabayi kabidi basombamu. Nanku bantu bonsu bavua mu nzubu wa Mvidi Mukulu kunguilabu bua kuluisha Yirmeya.

Yirmeya 41:5

Nanku bantu balume makumi muanda mukulu ba ku Shekeme, ba ku Shilo, ne ba ku Samariya, kufika. Bavua babeya miedi, bavuale bilamba bipandike, baditape mputa pambidi. Bavua bambule milambu ya ntete ya kuenza bukula, ne ya musenga wa kamonya, bua kuya kulambula Maweja-Nangila mu nzubu wende wa mu Yerushalayime.

Dibadika 32:22

Pashishe ditunga adi dimane kuitaba Maweja-Nangila, nenupingane kuenu, kanuyi ne tshilumbu kudi Maweja-Nangila, nansha kudi bena Izrayele. Nenku Maweja-Nangila neanupe ditunga didi luseke ludi diba dipatukila lua Yardene edi kashidi.

Yoshua 22:19

Panudi bamone ne: Maweja-Nangila kena mua kusomba mu buloba buenu, nanku pinganayi mu ditunga dia Maweja-Nangila. Ke mudi muaba wende wa tshijila. Nuangate maloba munkatshi muetu. Kadi nangananga lekelayi kutombokela Maweja-Nangila, kututombokela ne tuetu, panudi nudiashila tshienu tshilambuilu, nubenga tshia Maweja-Nangila Mvidi Mukulu wetu.

Balombodi 21:12

Munkatshi mua bena Yabeshe, kusanganabu bana ba bakaji nkama inayi, bavua kabayi banji kumanya balume. Kuyabu nabu mu mitanda ya mu Silo, mu ditunga dia Kenaane.