Yoshua 17:7 - MUKANDA WA MYIDI MUKULU

⁷ Buloba bua Menashe buvua butuadijila ku Ashere, buya too ne ku Mikmetate, luseke ludi diba dipatukila lua Shekeme. Kumukila ku Mikmetate, mukalu uvua upuekela kuinshi muditunga, uya too ne ku muaba uvua bena Ene-Tapuwa.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Mukalu wa Bena Manashe wakadi ku Ashê tô ne ku Mikemetata udi ku mpala kua Shekeme; wakayila ku tshianza tshia balume tô ku musoko wa Bena Ene-tapua.

Yoshua 17:7 Referans Kwoze

Yoshua 21:21

Ke tshimenga tshia Shekeme, tshia ku bimenga bia kunyemena, tshivua luseke lua mikuna; tshimenga tshia Ngezere,

1 Bakalenga 12:25

Yerobowame kukoleshisha tshimenga tshia Shekeme ne bimana, mu buloba bua mikuna bua Efrayime. Kusombaye mu tshimenga atshi. Pashishe, kumukaye mu Shekeme, bua kuya kukolesha kabidi tshimenga tshia Penuyele ne bimana.

1 Bakalenga 12:1

Robowame kuya ku Shekeme, bualu ke muaba uvua bisamba bionsu bia ku mutu bifike bua kumubanjija mu bukalenga.

Balombodi 9:1

Abimeleke, muana wa Yerubaale (mmumue ne: Ngideyone), kuya ku Shekeme, bua kuyukila ne bamansebende, kabidi ne bena nzubu wa mamuende bonsu. Kubambilaye ne:

Yoshua 24:32

Nanku mifuba ya Yozefe ivua bena Izrayele bumuke nayi mu Ejipitu, kuyijikabu mu Shekeme, mu buloba buvua Yakobe musumbe ku nkanu ya tshiamu tshitoke tshia mushinga mukole lukama. Uvua mubusumbe kudi ndelanganyi ya Amore uvua muase tshimenga tshia Shekeme. Buloba abu kushala mu dina dia ndelanganyi ya Yozefe.

Yoshua 24:1

Yoshuwa kukunguja bisamba bionsu bia bena Izrayele ku Shekeme. Kubikidishaye bakulu, bamfumu, balumbuluishi, ne balombodi ba bena mvita ba bena Izrayele. Kufikabu bonsu muaba uvua Mvidi Mukulu.

Yoshua 20:7

Bena Izrayele kusungula bimenga bia kunyemena: ke Kedeshe udi mu Ngalileya luseke lua mikuna ya Naftali; Shekeme luseke lua mikuna ya Efrayime; ne Kiriyate-Arba uvuabu binyika kabidi Ebrone, luseke lua mikuna ya Yuda.

Genese 37:14

Tatuende kumuambila ne: — Uye kumona bana benu ne bimuna: ne badi ne bukole bua mubidi. Pashishe upingane bua kungambila. Ke muvua tatuende umutuma ku luendu lule lua kumuka mu tshibandabanda tshia Ebrone, kuya mu Shekeme.

Genese 37:12

Bana babu ne Yozefe bavua baye kudisha bimuna bia tatuabu pabuipi ne Shekeme.

Genese 34:2

Shekeme, muana wa Amore, mfumu wa bena Iti umona Diina, kumubuelelaye mu nzubu ku bukole.

Yoshua 17:6

Kabena bapesha amu bantu balume ba mu tshisamba tshia Menashe nkayabu maloba to. Bavua baapesha kabidi bantu bakaji ba mu tshisamba etshi. (Buloba bua Ngilaade buvua bua ndelanganyi mikuabu ya Menashe.)

Yoshua 17:8

Buloba ebu buvua bua bena Menashe. Kadi bavua bapesha bena Efrayime tshimenga tshia Tapuwa tshivua ku mukalu.

Misambu 60:6

Uvua mumanyishe bantu bebe bua banyeme mvita, bapanduke ku miketa ya baluishi.