Yoshua 17:16 - MUKANDA WA MYIDI MUKULU

¹⁶ Ndelanganyi ya Yozefe kubenga, bamba ne: — Bushuwa, mikuna kayena mikumbane to. Kadi bena Kenaane badi basa mu mpata, nansha bena Bete-Sheyane, ne bena misoku idi nabu mutumba, nansha badi basomba mu tshibandabanda tshia Yizreyele, badi bonsu ne matempu a mvita a biamu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bana ba Yosefe bakamba ne, Buloba bua ku mikuna kabuena butukumbana; Bena Kanâna bonso badi bashikama mu tshibanda badi ne makalu a biamu, ne badi mu Bete-sheana ne misoko ei ne badi mu tshibanda tshia Yizelele.

Yoshua 17:16 Referans Kwoze

1 Bakalenga 4:12

Baana, muana wa Akilude, uvua ulombola buloba bua bimenga bia Tanake ne Megido, ne buloba bujima bua Betesheyane (Buloba bua Betesheyane budi bufika ku Sartane, kuinshi kua Yizreyele. Buloba ebu mbualabale ku Betesheyane too ne ku Abele-Mekola, too ne dishiya dia Yokneyame).

Balombodi 4:3

Yabine uvua ne matempu a mvita a biamu nkama tshitema. Uvua mukengeshe bena Izrayele bikole bidimu makumi abidi. Nanku bena Izrayele kubikila Maweja-Nangila bua abambuluishe.

Balombodi 1:19

Maweja-Nangila nkayende uvua muambuluishe bena Yuda. Ke pavuabu bakuata miaba ya pa mikuna. Kadi kupangilabu mua kuipata bantu bavua base mu mpata, bualu bobu aba bavua ne matempu a mvita a biamu.

Balombodi 6:33

Bena Madiyane, bena Amaleke, ne bantu balalakanyi bavua bafuma luseke ludi diba dipatukila, kudisangisha, kusabuka Yardene. Kuasabu mitanda yabu mu mpata wa Yizreyele.

Yoshua 17:18

Nuangate mikuna yonsu idi ne metu. Nusole, nudime metu awu, nuase miaba yonsu ayi. Nanku nenupete mushindu wa mua kuipata bena Kenaane, nansha bobu bikale ne matempu a mvita a biamu, bikale kabidi ne bukole.

2 Bakalenga 9:37

Minyinyi ya Yezabele ikale mishale, nebayimiamine mu budimi ebu bu bufuke buela panshi. Nanku, muntu kakumanya kabidi ne ewu ke Yezabele to!”

2 Bakalenga 9:10

Kadi tshitalu tshia Yezabele kabakutshijika to. Mbua neitshidile mu budimi bua Yizreyele.” Muambi nsongalume wamba nanku, kunzulula tshiibi. Kapatuka lubilu.

1 Bakalenga 21:23

Nanku, Maweja-Nangila udi wamba kabidi bua Yezabele ne: “Mbua neyidile Yezabele pabuipi ne bimana bia Yizreyele.”

1 Bakalenga 21:1

Malu awu mamane kujika, bualu bukuabu kuenzeka mu tshimenga tshia Yizreyele, muvua muntu mukuabu dina diende Nabote. Uvua ne budimi bua mvinyo mu tshimenga atshi, pabuipi ne nzubu kampande wa bukalenga wa Akabe, mukalenga wa Samariya.

1 Bakalenga 18:46

Muambi kusuika mukaba wende mu tshimonu bua kuya. Maweja-Nangila kumupa bukole bua bungi. Kunyemaye lubilu kumpala kua ditempu dia Akabe too ne pafikibu mu Yizreyele.

Balombodi 4:13

Kusangishaye matempu ende a mvita a biamu nkama tshitema, ne bantu bende bonsu ku Aroshete-Ngoyime. Kumukabu muaba awu, bua kuya ku musulu wa Kishone.

Yoshua 19:18

Mu buloba abu muvua bimenga ebi: Yizreyele, Keshulote, Shuneme,

Yoshua 17:11

Kadi mu buloba bua bena Isakare ne bua bena Ashere, bena Menashe kupeta misoku ya Bete-Sheyane, Ibleyame, ne miaba ivua nayi mutumba. Kupetatshi kabidi Dore, Ene-Dore, Tanake, Megido, ne bantu bonsu bavua basombamu, too ne miaba ivua mutumba, mmumue ne buloba bujima bua Dore.

Yoshua 17:15

Yoshuwa kuandamuna ne: — Bu munudi ba bungi, mikuna ya Efrayime kayiyi minukumbane, nudi mua kuya kusola ne kudima mu metu a bena Perizi ne bena Refayime.

Yoshua 17:17

Ke Yoshuwa kuambila ndelanganyi ya Yozefe, bena mu tshisamba tshia Efrayime, ne bena mu tshisamba tshia Menashe tshivua useke ludi diba dibuelela lua musulu wa Yardene ne: — Nudi bavule, nudi kabidi ne bukole bua bungi. Nanku kanuena mua kushala amu ne tshitupa tshimue mu ditunga to.

1 Bakalenga 18:45

Tshitupa tshikese, diulu kufika ne mavuba avua alua ne lupepela. Mvula mukole kutuadija kuloka. Ke mukalenga Akabe pa ditempu diende dia mvita, kupingana mu tshimenga tshia Yizreyele.

Yirmeya 49:2

Ke padi Maweja-Nangila wamba ne: “Dituku diadia bantu badi basomba mu Raba, tshimenga tshinene tshia bena Amone, nebumvue mutoyi wa mvita. Tshimenga etshi netshishale tshipela. Misoku idi natshi mutumba nebayibutule ne kapia. Diba adi, Izrayele neangate tshiakabidi buloba buvua buende.” Ke mudi Maweja-Nangila wamba nanku.

Yoshua 15:56

Yizreyele, Yokdeyame, Zanowa,

1 Samuele 29:1

Bena Peleshete kusangisha bena mvita babu bonsu ku Afeke. Bena Izrayele bavua basa mitanda yabu ku mpokolu wa mayi pabuipi ne tshimenga tshia Yizreyele.