Yoshua 15:7 - MUKANDA WA MYIDI MUKULU

⁷ Mukalu awu uvua upitshila ku tshibandabanda tshia Akore, ubandila kabidi ku Debire, pashishe ubendela ku mutu wa ditunga, uya ku Ngilgale, mutangilangane ne mukuna wa Adumime, udi kuinshi kua lubuwa. Pashishe uvua upitshila pabuipi ne mpokolu ya mayi ya mu Ene-Shemeshe, ushikidila ku Ene-Rogele.

Mukanda wa Nzambi Dihungila Dikulukulu ne Dihungila Dihia-dihia 2003

⁷ mukalu wakabandila ku Debî ku tshibanda tshia Akola, wakayila ku nôde kudi kutangilangana ne Gilegala udi kuinshi kua mukuna wa Adumima, udi ku muelelu wa musulu wa ku sude; mukalu wakayila ku mai a Ene-shemeshe, wakashiha ku Ene-logele;

Yoshua 15:7 Referans Kwoze

1 Bakalenga 1:9

Dituku dikuabu, Adoniya kulongolola tshibilu tshinene ku “Dibue-dia-busenu,” divua pabuipi ne mpokolu wa Enrojele. Muaba awu, kulambulabu mikoku, ngombe milume, ne nyama mikuabu ya manyi. Adoniya uvua mubikidishe bana babu, bana ba mukalenga Davide, ku tshibilu atshi. Uvua mubikidishe kabidi bantu babanji bonsu ba mu buloba bua bena Yuda, bavua benzela mukalenga Davide mudimu.

2 Samuele 17:17

Yonatane, muana wa Abiyatare, ne Akimase, muana wa Sadoke, bavua basombela pabuipi ne mpokolu wa Enrojele. Ke batuangaji abu kubatumina mukaji muena mudimu bua kubamanyisha malu avuabu mua kuya kuambila mukalenga Davide. Bualu Yonatane ne Akimase kabawa mua kubuela mu Yerushalayime to, bua kabamanyi kudi bantu.

Yoshua 7:26

Pashishe kuimanyikabu mushiki wa mabue pambidi pa Akane. Mabue awu atshidipu too ne mpindiewu. Ke padibu babikila muaba awu ne lelu ne: tshibandabanda tshia Akore. Bionsu abi bimane kuenzeka, tshiji tshia Maweja-Nangila kutuya.

Osheya 2:5

Yeye kayi muenze nanku, nemmuvule bilamba, mmushiye butaka, muvuaye dituku divuabu bamulele! Ditunga diende, nediandamuke tshipela, nendienze buloba buume. Nemmufuishe ne nyota.

Yeshaya 65:10

Bantu badi bankeba, nebadishe bimuna biabu mu mpata wa Sarone. Mu tshibandabanda tshia Akore ngombe yabu neipete lupangu, ne muaba wa kulala.

Yoshua 15:15

Ke kumukaye mu Ebrone, bua kuya kuluisha bena mu tshimenga tshia Debire, tshivuabu binyika tshikondu atshi Kiriyate-Sefere.

Yoshua 10:43

Pashishe Yoshuwa ne bena mvita bonsu bavuaye nabu, kupingana mu mitanda yabu ivua mu Ngilgale.

Yoshua 7:24

Yoshuwa ne bena Izrayele bonsu kukuata Akane, kuangata tshiamu tshitoke tshia mushinga mukole, tshinkutu ne tshiamu tshia mpawungi. Kuangatabu kabidi bana ba balume ne ba bakaji ba Akane, ngombe yende, mpunde, mikoku, mbuji, ntenta ne bikuabu bionsu biwaye nabi. Kuyabu nabi bionsu mu tshibandabanda tshia Akore.

Yoshua 4:19

Bena Izrayele bavua basabuka musulu wa Yardene mu matuku dikumi a ngondu wa kumpala. Pashishe bakasa mitanda yabu ku Ngilgale, ku luseke ludi diba dipatukila lua Yeriko.

Yoshua 15:6

Mukalu awu uvua ubandila mu Bete-Ogla, upitshila ku mutu kua Bete-Araba, utungunuka ne ku dibue didibu binyika ne: Bokane. Dina edi divua dia muana wa balume mukuabu wa Rubene.

Yoshua 18:17

Pashishe uvua ubenda, ulonda luseke lua ku mutu, utangila ku Ene-Shemeshe, uya ku Ngelilote, mutangilangane ne mukuna wa Adumime. Umuka muaba awu, udi upuekela luseke ludi dibue didibu binyika Bokane, dina dia muana wa balume wa Rubene.