Yoshua 10:4 - MUKANDA WA MYIDI MUKULU

⁴ — Ndi munubikidishe bua nungambuluishe. Tuluishe bena tshimenga tshia Ngibone, bualu bena tshimenga atshi mbatue ndondu ne Yoshuwa, kabidi ne bena Izrayele bonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Luai bienu kundi, nunkuatshishe, tushihai Gibeona; bualu bua bobo bakaheta budishikaminyi kudi Yoshua ne kudi Bena Isalele.

Yoshua 10:4 Referans Kwoze

Yoshua 9:15

Yoshuwa kutua nabu ndondu mu ditalala, ubajadikila ne: katuena tunushipa to. Ke balombodi ba bena Izrayele kuditshipa, bajadike ndondu awu.

Yoshua 10:1

Mukalenga Adoni-Sedeke wa mu Yerushalayime, kumvuaye muvua Yoshuwa mukuate tshimenga tshia Ayi, mutshinyangakaje tshionsu, mushipe ne mukalenga watshi, anu muvuaye munyangakaje tshimenga tshia Yeriko, mushipe kabidi ne mukalenga watshi. Uvua mumane kumvua kabidi ne: bena Ngibone mbamane kutua ndondu wa ditalala ne bena Izrayele, basombe munkatshi muabu.

Didimanyisha 16:14

Ke mikishi ya diabolu idi yenza malu a dikema. Mikishi isatu ayi ivua iya kumonangana ne bakalenga ba pa buloba bujima, ikeba kubasangisha bua mvita ya dituku dinene dia Mvidi Mukulu wa bukole buonsu.

1 Petro 4:4

Mpindiewu bantu badi kabayi bamanye Mvidi Mukulu badi bakema, bualu kanuena nubuelakana kabidi nabu mu malu mabi a nanku. Ke padibu banupenda.

Yakobe 4:4

Nuenu nudi bantu badi babenga Mvidi Mukulu! Kanuena bamanye ne: kunanga bia panu nkubenga Mvidi Mukulu anyi? Udi unanga bia panu, udi musue kudienza muluishi wa Mvidi Mukulu.

2 Timote 3:12

Bantu bonsu badi basue kuitaba Mvidi Mukulu ne muoyi umue, kudisanga ne Yezu Kristu, nebabakengeshe.

Bienzedi 21:28

bela mbila ne: — Bena Izrayele, tuambuluishayi! Monayi muntu udi ulongesha bantu bonsu miaba yonsu, bua bapepeje tshisamba tshia Izrayele, mikenji ya Moshe, ne nzubu wa Mvidi Mukulu ewu. Lelu mmubueje bantu ba bisamba bikuabu mu nzubu ewu! mMupishe muaba ewu wa tshijila mukiya!

Yowanane 15:19

Bu nuenu bikale ba pa buloba, ba pa buloba batua mua kununanga bu bana babu. Kadi mvua munusungule, munusomone munkatshi mua ba pa buloba, bualu kanuena ba pa buloba to. Ke padi ba pa buloba banukina.

Matayi 16:24

Pashishe Yezu kuambila balongi bende ne: — Pikala muntu musue kuenda nanyi mu njila, anji kudibenga, ambula wende mutshi mutshiamakane, andonde.

Yoshua 10:5

Nanku bakalenga batanu ba bena Amore, ba mu Yerushalayime, Ebrone, Yarmute, Lakishe ne Eglone, kudisangisha ne bena mvita babu bonsu bua kuya kuluisha tshimenga tshia Ngibone, kutshikuata.