Yona 4:11 - MUKANDA WA MYIDI MUKULU

¹¹ Nanku, meme tshiena mua kufuila tshimenga tshinene tshia Ninive luse anyi? Mu tshimenga emu mudi bantu bapite pa binunu lukama ne makumi abidi, badi kabayi bamanye mua kudisunguluila bidi bibalengelela, mudi kabidi bimuna bipite bungi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Ne meme tshiakadi ne bua kunyingalala bua Ninewe, musoko au munene, mudi bantu binunu lukama ne makumi abidi badi kabayi mua kujingulula tshianza ne ntshia balume ne ntshia bakashi, ne mudi bimuna bia bungi kabidi, anyi?

Yona 4:11 Referans Kwoze

Matayi 18:33

Nanku wewe kabidi uvua mua kumvuila mukuebe luse, bu mumvua meme mukumvuile.”

Yona 1:2

— Juka, uye mu tshimenga tshinene tshia Ninive. Ukanyine bena tshimenga atshi mu dina dianyi, bualu tshiena musue kumona kabidi buenzayi bua bantu abu.

Misambu 36:6

Maweja-Nangila, bulenga buebe mbutue ne mu diulu. Biudi wamba, udi ubikumbaja ne mu mavuba.

Dielulula 1:39

Pashishe Maweja-Nangila kunuambila bonsu ne: “Bana benu banuvua nuelela meji ne: nebabakuate bonsu mu mvita, anu bobu aba, badi kabayi banji kusunguluja lelu bualu ne mbuimpe, ne mbubi, ke bavuavua kubuela mu ditunga edi ne Yoshuwa. Nembapeshadi bua badikuate.

Misambu 104:14

Wewe ke udi umeneshila bimuna bisosa, umeneshila bantu biseki bidibu badima. Ke mudi buloba bubapetesha biakudia:

Yona 3:10

Maweja-Nangila kumona muvua bena Ninive balekela buenzayi buabu. Nanku, kutuyishaye tshiji tshivuaye natshi. Kulekelaye mua kubanyoka nuwuaye mubakanyine.

Yeshaya 1:18

Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Yeshaya 7:16

Bangabanga ne muana ewu kusunguluja bualu buimpe ne bubi, buloba bua bakalenga babidi baudi utshina, nebushale munda mutupu, kamuyi bantu.

Yeshaya 37:37

Nanku, Senakeribe, mukalenga wa bena Ashure, kutudisha mitanda, kuya kusomba mu tshimenga tshiende tshikulu tshia Ninive.

Yona 4:10

Maweja-Nangila kukonka Yona ne: — Telejaku. Wewe kuena mukune mutshi awu, kuena muubandishe, kuena munkuatshile mudimu. Mutshi ewu mmutoloke butuku, butshia dinda kupukawu. Kadi udi amu unyingalala bualu buawu.

Genese 9:10

Ndi ntua kabidi ndondu ne bionsu binuvua bapatuke nabi mu buatu: nyunyi, bimuna ne nyama ya muitu, kabidi ne bivuavua kuenda ne muoyi pa buloba pashishe.