Yona 2:8 - MUKANDA WA MYIDI MUKULU

⁸ Nansha pamvua nkeba kufua, mvua amu nkuvuluka, Maweja-Nangila wanyi. Mitendelelu yanyi mmifike kuudi, ku nzubu webe wa tshijila.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Badi beyemena mpingu ya hatuhu idi ibadinga badi balekela Mubafuidi wa luse.

Yona 2:8 Referans Kwoze

Misambu 31:6

Maweja-Nangila, ndi nteka muoyi wanyi mu bianza biebe. Neumpandishe, bualu wewe Mvidi Mukulu, udi ukumbaja biuvua mulaye.

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

2 Bakalenga 17:15

Bavua babenga mikenji ya Mvidi Mukulu, babenga kabidi ne ndondu uvuaye mutue ne bankambua babu, ne mibelu iwaye mubamanyishe. Bavua balamate anu mvidie ya tshianana, batua eku ne eku, bidikija muvuabu benza kudi bisamba bivuabu nabi mutumba, bivua Maweja-Nangila mubakandike bua kababidikiji to.

Yirmeya 10:8

Bantu bonsu badi anu bidingidingi. Tshidi mvidie ya mitshi mua kubalongesha ntshinyi?

1 Samuele 12:21

Kanukebi bua kuenzela mvidie ya tshianana mudimu. Bualu kayena ne bukole bua kunuambuluisha, nansha bua kusungila muntu. Idi amu mvidie ya dishima.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Misambu 69:14

Kadi meme, Maweja-Nangila, ndi amu nkutendelela. Ungambuluishe tshikondu tshiudi musungule. Mvidi Mukulu wanyi, bu muudi unnanga bikole, ungitabe, unsungidile.

Misambu 142:4

Pandi nteketa mu maboku, wewe udi mumanye kundi nya. Bantu mbateya mu njila undi nyila.

Mika 1:2

Nuenu bisamba bionsu, telejayi. Buloba ne bionsu bidipu, teyayi matshi. Maweja-Nangila Mvidi Mukulu udi ulua kunufunda, utumina mu nzubu wende wa tshijila.