Yona 2:6 - MUKANDA WA MYIDI MUKULU

⁶ Mayi avua mankuate mu nshingu. Mavuala a muinshi mua mayi avua mangele munkatshi. Milembuelembue ivua munjingile ku mutu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nakadila tô ne ku bitaku bia mikuna; ku buloba budi ne nkanu minsuike tshiendelele. Kadi wewe wakahatula muoyo wanyi mu Dijimba, Yehowa Nzambi wanyi!

Yona 2:6 Referans Kwoze

Misambu 30:3

Maweja-Nangila, Mvidi Mukulu wanyi, mvua munsengelele, wewe kumpandisha.

Misambu 16:10

Kuakunshiya mu kandondu ka bafue. Kuakuanyisha bua mbolele mu lukita.

Yeshaya 38:17

Eyowa, kanyinganyinga nkandamuke diakalenga. Udi munnange bushiwa, mungumushile lufu. Wewe kuangata bilema bianyi bionsu, kubiela panyima kule kutambe.

Abakuke 3:10

Padi mikuna ikumona, idi izakala. Mvula udi uloka bikole, wenza nkoka pa buloba. Mayi manene adi ela tshiona bikole, mavuala abanda mulu bu mikuna.

Abakuke 3:6

Padiye utuluka panshi, buloba budi bunyungakana. Padiye ukenzakana, bisamba bia bantu bidi bizakala. Mikuna minene ne mikese, ya kale ne kale, idi yupuka, isenguluka. Kuonsu kuvuaye upitshila kuvua anu nanku.

Yeshaya 40:12

Uvua mupime mayi manene mu tshianza tshiende nnganyi? Uvua muidikije diulu ne ntanta wa tshianza tshiende nnganyi? Uvua musangishe dimfuekenya dia buloba mu mbeketshi, bua kudipima nnganyi? Uvua muteke mikuna minene ne mikese pa tshipiminu nnganyi?

Misambu 143:7

Maweja-Nangila, ungitabe lukasa, ndi mushikile. Kundekedi, tshianana nemfue.

Misambu 104:8

Kubandawu nsongu ya mikuna, kupueka mu bibandabanda, too ne ku muaba uuvua mualongoluele.

Misambu 104:6

Uvua mububuikile ne mayi bu tshilamba, mayi kubanda ne ku nsongu ya mikuna.

Misambu 65:6

Mvidi Mukulu mutupandishi wetu, wewe nkayebe udi ukumbaja biudi ulaya, wenzela bantu badi bakutendelela malu a dikema. Ke mudi bantu pa buloba bujima batekemena kuudi, nansha badi basomba mu bidila bidi kule.

Misambu 55:23

Teka bujitu bua pa makaya ebe mu bianza bia Mvidi Mukulu. Neakukankamike, kakuanyisha bua muntu wende apungile nabu.

Misambu 30:9

Maweja-Nangila, ndi nkusengelela, nkulomba bua ungambuluishe.

Yobe 33:28

Mvidi Mukulu mmumpatule mu njila wa kandondu ka bafue. Ndi ne muoyi. Ndi mmona butoke.”

Yobe 33:24

Mutumibue awu udi umvuila muntu netu luse, ulomba Mvidi Mukulu ne: “Umulekele, kabuedi mu kandondu ka bafue to. Ndi mupete bia kumubingisha nabi.”

Dielulula 32:22

Eyowa, Meme Maweja-Nangila ndi ne tshiiji tshikole, tshidi tshifika too ne mu kandondu ka bafue. Tshidi tshiosha, bu mudi kapia kosha biakudia, kabibutula, tshidi tshiosha too ne tshitaku tshia mikuna.

Matayi 16:18

Kadi meme ndi nkuambila patoke ne: wewe udi Petro, dibue. Nanku pa dibue edi nengasepu Tshisumbu tshia bantu banyi. Nansha lufu mene kaluakutshibutula to.

Misambu 18:5

Njiwu ya lufu ivua minjingile, ikeba kumpuekesha bu mavuala a mayi.

Misambu 116:3

Lufu kunjingila nkanu yalu, bowa bua kandondu ka bafue kunkuata, luzakalu kungenza, muoyi kunshikila.

Yeshaya 38:10

Mvua ngamba ne: ndi mfua, mulale panu amu tshia bibidi tshia matuku anyi. Ndi mbuela mu kandondu ka bafue, nkumbajamu matuku antshivua mua kulala panu.

Yezekiyele 26:20

Nenkutume mu dijimba dia bafue, bua usombemu ne bantu bafuile kale. Neushale muinshi mua buloba mu kandondu kafuanangane ne makolu, bua usombe ne bafue bavua badianza kufika muaba awu. Kuena upatukamu kabidi to. Pa buloba muaba udi bantu ne muoyi, kuakupeta muaba kabidi to.

Yezekiyele 31:14

Mbienzeke nenku bua mutshi mukuabu nansha umue udi upeta mayi a bungi kaulepi too ne mu mavuba, kauditambishi bua bule buawu. Bualu mitshi ne bantu bidi ne bua kufua, kujimina muinshi mua buloba, kupetangana ne bikadi bimane kufua.

Misambu 69:2

Mvidi Mukulu wanyi, unsungidile! Mayi mmankuate ne mu nshingu.