Yobe 8:8 - MUKANDA WA MYIDI MUKULU

⁸ Ukonke bankambua bavua bamane kuikala kumpala kuetu. Umanye bivua batatu batulongeshe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Ndi nkusengelela bua kukonka bantu ba mu milongo ya kale, teka mutshima webe ku malu akakeba batatu babo kujingulula.

Yobe 8:8 Referans Kwoze

Yobe 15:18

Ke tshivua bantu bavua bamanye malu bandongeshe. Ke tshivuabu bapete kudi bankambua babu.

Dielulula 32:7

Vulukayi matuku a kale. Elayi meji ku bidimu bimane kupita. Ebejayi baledi benu, nebanuambile bivua bienzeka. Konkayi bakulumpe, nebanulondele malu a kale.

Dielulula 4:32

Mpindiewu nudikonke bua malu onsu avua menzeke kale, kabayi banji kunulela, katshia Mvidi Mukulu wafuka bantu pa buloba. Nuele meji ku bionsu bivua bienzeka pa buloba bujima. Malu makole a mushindu ewu akavua menzeke anyi? Bantu bakavua bumvua lumu lua malu a nunku anyi?

Rome 15:4

Nenku bionsu bitudi tubala mu Mikanda ya tshijila mbabifunde bua kutulongesha. Mikanda ya tshijila idi kukolesha ku muoyi, bua tunanukile, tupete bitudi tutekemena.

1 Korente 10:11

Makenga awu avua mabakuate bua kutulongesha bualu. Bayua batufundilewu bua kutubela. Bualu tudi mu tshikondu tshia nshikidilu.

Yeshaya 38:19

Amu badi ne muoyi ke badi bakusamuna, mundi ngenza meme lelu. Baledi nebamanyishe bana babu, muudi ukumbaja bionsu biudi ulaya.

Misambu 44:1

Musambu wa mu mukanda wa mulombodi wa bena misambu. Kasala ka mu mukanda wa misambu wa bena Kora.

Yobe 15:10

Munkatshi muetu, mudi bantu bavua balonge malu bikole. Badi ne bidimu bia bungi bipite bivua tatuebe nabi.

Yobe 12:12

Bantu bakulumpe badi bajingulula malu. Badi balala panu baboboke, ke badi ne lungenyi.”

2 Kulondolola 10:6

Mukalenga Robowame kukonka lungenyi kudi bakulu bavua tatuende Shelomu wenza nabu mudimu, patshivuaye ne muoyi. Robowame kubakonka ne: — Nudi numpeshaku lungenyi kaayi bua meme kuandamuna bantu aba?

Yobe 20:4

Wewe udi anu ne bua kumanya ne: Katshia Mvidi Mukulu wafuka muntu pa buloba,

Yowele 1:2

Nuenu bakulu, umvuayi! Nuenu bonsu badi basombe mu ditunga dia Yuda, telejayi! Bualu bua mushindu ewu mbumane kuenzeka mu tshikondu tshienu, nansha tshia bankambua benu anyi?

Yobe 13:1

Nanku bionsu binudi nuamba ebi, ndi mumane kubimona kale. Ndi mumane kubiumvua, mubijingulule.