Yobe 6:25 - MUKANDA WA MYIDI MUKULU

²⁵ Panudi nubela muntu pa bualu, neateleje bimpe, kadi biakulakula bienu bidi mua kuenzela muntu tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Monai mudi mei malelela ne bukole bua kutuisha muntu! Kadi kubela kuenu kudi kunfuisha ku bubi kai?

Yobe 6:25 Referans Kwoze

Nsumuinu 25:11

Muaku muimpe muambe pa bualu udi ne mushinga bu mudi tshintu tshivuabu basonga ne tshiamu tshia mpawungi, batshiteka pa dilonga dia tshiamu tshitoke tshia mushinga mukole.

Nsumuinu 18:21

Tshiudi wamba tshidi mua kukufila ku muoyi nansha ku lufu. Nanku paudi munange kuakula, wanyisha kabidi bionsu bidi miaku yebe mua kukupetesha.

Nsumuinu 12:18

Muena biakulakula udi utapa mputa minene bu ya muele wa mvita. Kadi ludimi lua bantu ba meji ludi bondapa.

Yobe 32:3

Uvua kabidi mufikile bantu basatu aba munda, bualu kabavua mua kuandamuna Yobe, bafuana kupisha nanku Mvidi Mukulu.

Yobe 24:25

Kadi tshindi ngamba meme ntshilelela! Udi mua kuntuisha bu muena dishima nnganyi? Udi mua kungamba ne: udi mutupakane, udiku anyi?

Yobe 21:34

Nuenu munudi basue kunsamba ne miaku ya bupale mbishi? Bionsu binudi nuamba bidi patupu, bidi anu bua kudinga bantu.

Yobe 13:5

Nanku mbimpe kupuwa. Nanku bantu badi mua kunuangata bu bena meji.

Yobe 4:4

Wewe uvua wimanyika kulu bavua bakeba kudishinda. Uvua ujula bavua bapungile ne bujitu.

Yobe 6:24

Mbimpe, nundongeshe, nundeje mumvua mutupakane. Nanku nempuwe, nennuteleje.

Yobe 6:26

Nudi nungasa tshilumbu bua miaku imvua muambe, kanuena numona ne nya muntu udi kayi mua kutekemena kabidi tshintu anyi?

Yobe 27:12

Nuenu bonsu, nuvua bajingulule mudi Mvidi Mukulu. Nanku nudi nuamba miaku ya patupu bua tshinyi?

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.