Yobe 6:21 - MUKANDA WA MYIDI MUKULU

²¹ Nuenu kabidi, nudi nundinga, bu mudi misulu eyi idinga bantu. Panudi numona dikenga dianyi, nudi nunkuatshisha bowa.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nuenu nudi nanku kundi mpindiu, nudi numona dikenga dianyi, ne buowa budi bunukuata.

Yobe 6:21 Referans Kwoze

Misambu 38:11

Muoyi udi ungomba munda. Bukole mbunjimine. Mesu anyi akadi bibuidibuidi.

2 Timote 4:16

Diba dimvua ndilumbuluila musangu wa kumpala, muntu nansha umue kavua mutue ku tshianyi to. Bonsu bavua banshiye. Mvidi Mukulu kabashi tshilumbu atshi to!

Matayi 26:56

Kadi bionsu abi mbienzeke bua kukumbaja miaku ya bambi idibu bafunde mu Mikanda ya tshijila. Ke balongi bende bonsu kumushiya, kunyema.

Matayi 26:31

Ke Yezu kuambila balongi bende ne: — Butuku ebu, nenunyeme bonsu, nunshiye nkayanyi. Bualu mu Mikanda ya tshijila mbafunde ne: “Nenshipe mulami wa mikoku, yoyi neitangalake.”

Yirmeya 51:9

Kadi benyi bonsu badi basomba mu Babilone, badi bamba ne: — Tuvua bondapa Babilone, kadi kena musanguluke to. Nanku tumuke tumushiye. Tupingane muntu kuende, muntu kuende. Bualu tshibawu tshiende ntshinene tshipite. Udi umunyoka ke Muena Kulu!

Yeshaya 2:22

Lekelayi kutekemena kudi muntu, bualu muoyi wa muntu udi amu mueyelu wa katupa. Muntu udi tshintu tshia mushinga anyi?

Nsumuinu 19:7

Mupele badi bamukina kudi bana babu. Yeye mupete bualu bunene, balunda bende badi bamubenga. Padiye ubasengelela, badi baya.

Misambu 62:9

— Nuenu bonsu, bantu ba Mvidi Mukulu, tekemenayi amu kudiye. Numupuile ntatu yenu. Yeye ke muaba utudi mua kunyemena.

Yobe 13:4

Kadi nuenu bu munudi nupanga kufila meji, nudi nufuikakaja malu a dishima. Nudi bu baminganga badi kabayi mua kuondapa muntu.

Yobe 6:15

Balunda banyi bavua bandinga bu mudi musulu mua kudinga bantu. Musulu uvua ne mayi mavule, mpindiewu ukadi mume.

Yobe 6:22

Ndi munulombe bua nuenu kunsankisha ne tshintu, nansha bua nuenu kumbuejila bintu bienu anyi,

Yobe 19:19

Balunda banyi ba pa muoyi badi bammone, bansesuka. Bonsu bamvua mupite kunanga badi bambenga.