Yobe 5:11 - MUKANDA WA MYIDI MUKULU

¹¹ Bantu bavuabu bapuekeshe panshi, yeye udi ubabandisha kulu. Badi mu dibungama, yeye udi ubapingajila disanka.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ udi ubandisha bantu bahuekele mulu, udi ujula badi badila bua bobo bikale ne luhandu;

Yobe 5:11 Referans Kwoze

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

Luke 6:21

“Nuenu badi ne nzala mpindiewu, nudi bena diakalenga, bualu Mvidi Mukulu neanudishe, nuukute! “Nuenu badi badila mpindiewu, nudi bena diakalenga, bualu nenuseke!

Yezekiyele 17:24

Diba adi, mitshi yonsu ya mu mpata neyimanye ne: ndi Maweja-Nangila. Ndi ngipidija mitshi idi mitumbuke, ndi ndepesha idi mipi. Ndi ngumisha mitshi mibishi. Ndi ngelesha mitshi miume ntonga. Meme Maweja-Nangila ndi njadika nanku awu. Nenkumbaje anu mundi muambe amu.”

Misambu 113:7

Udi ujula mupele uvua mudishinde panshi, udi ujula muena dikenga, uvuabu bimanshe mu dyala,

Misambu 107:41

Udi usungidila bapela ku dikenga, uvudija meku abu bungi bu mikoku.

Dielulula 33:27

Matuku onsu Maweja-Nangila udi unulama, udi ne bukole bunene pa buloba bujima, uvua nabu kale, udi nabu lelu. Udi unuipatshila baluishi benu, nuenu batangile, unuamba bua kubabutula.

Yakobe 1:9

Muanetu mupele asanke, bualu Mvidi Mukulu udi umubandisha kulu.

Misambu 91:14

Maweja-Nangila udi wamba ne: “Bu mudiye mundamate, nemmusokoke, nemmulame, bualu mmumanye tshindi.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

Yobe 22:29

Bualu Mvidi Mukulu udi unyanga midimu, idi bena ditambisha basue kuenza. Kadi udi wambuluisha bantu badi badipuekesha.

Yobe 36:7

Udi ulama badi bamulamate. Bakalenga badi mu nkuasa wa bumfumu, Mvidi Mukulu ke udi mubatekemu, bua bukalenga buabu bunenge. Kadi badi baditambisha.

Yobe 8:7

Bintu biebe bia kale biuvua nabi, nebimueneke bu bikese. Paudi ubifuanyikija ne bipiabipia biudi mua kupeta.