Yobe 40:4 - MUKANDA WA MYIDI MUKULU

⁴ Ndi muntu wa tshianana, tshindi mua kuandamuna kabidi ntshinyi? Ndi mbuikila mukana ne tshianza mpuwa.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mona, ndi muntu muhuekele; nenkukudimune wewe dî kai? Ndi nteka tshianza tshianyi ku mishiku yanyi.

Yobe 40:4 Referans Kwoze

Nsumuinu 30:32

Wewe ne tshibidilu tshia kuditambisha, pashishe ubanga kuela meji, bituadija ku lelu lama ludimi luebe bimpe!

Yobe 29:9

Bakulu bavua bapuwe, bateka munu ku mishiku, bambila bantu bua bapuwe pabu kabidi.

Yobe 21:5

Nuntangile bimpe, nanku nenuzakale, nupuwe tshianza ku mishiku.

Yobe 42:6

Ke pandi ngunwua bundu bua bionsu bimvua muambe. Ndi nyingalala nsomba mu lupuishi ne mu butu.

Luke 18:13

Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Ezela 9:6

kumutendelela ne: — Mvidi Mukulu wanyi, ndi ne bundu mesu tente! Mvidi Mukulu wanyi, tshiena mua kukuleja mpala wanyi. Mibi yetu idi ya bungi, mmibande too, mipite mitu yetu. Idi bu mikuna, mmiye too ne mu diulu.

Balombodi 18:19

Bena mvita kumuandamuna ne: — Puwa, buikila mukana! Uye netu, bua wikale mutuangaji mu tshisamba tshietu. Udi musue kuikala mutuangaji wa muntu umue, anyi wa tshisamba tshijima tshia bena Izrayele?

Genese 32:10

Yakobe kutendelela Mvidi Mukulu, wamba ne: — Mvidi Mukulu wa kaku wanyi Abrahame, ne wa tatu wanyi Izake, unteleje! Uvua mungambile ne: “Upingane kuenu mu ditunga dienu. Meme nenkulame, neupete dikasa dimpe.”

Genese 18:27

Abrahame kuamba kabidi ne: — Ndi nkolesha muoyi bua kuakula ne Maweja-Nangila wanyi, nansha bu mundi muikale muntu tshianana, tshintu tshia lupitapita.

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.

Luke 5:8

Simone Petro umona nanku, kutuaye binu kumpala kua Yezu, wamba ne: — Mfumu, umuka kundi. Ndi muena malu mabi.

Zekâya 2:13

Eyo, nenduishe bisamba ebi: nebabipawule kudi bantu bavuabi bikuate ku bupika.” Padi malu aa enzeka, nenumanye ne: Maweja-Nangila wa bukole buonsu ke uvua muntume.

Abakuke 2:20

Kadi Maweja-Nangila udi mu nzubu wende wa tshijila. Pa buloba bujima, bantu bapuwe kumpala kuende.

Mika 7:16

Bisamba bia bantu nebimone bishima ebi. Bundu nebubakuate, nansha bobu bikale ne bukole. Nebakeme, nebapuwe, kabayi bumvue.

Danyele 9:7

Wewe Maweja-Nangila, kuena ne tshilema! Tuetu tudi ne bua kudipuekesha, bu mutudi tuenza lelu. Tuetu bonsu tudi ne bua kuenza nanku, ne badi mu Yerushalayime ne mu Yuda, ne bena Izrayele bakuabu bonsu badi pabuipi ne badi kule, ne badi batangalake mu matunga auvua mubatume bua dikutombokela diabu.

Danyele 9:5

Tuvua babenge kuitaba diyi diebe. Tuvua benze malu mabi. Tudi bena tshibawu. Tuvua bakutombokele. Tuvua babenge mikenji yebe.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Misambu 39:9

Unsungidile ku bubi buanyi buonsu, kabanseki kudi bidingidingi.

Yobe 31:37

Nengambile Mvidi Mukulu malu onsu amvua muenze, nensemene kudiye mubandulule mutu bu mukalenga.

Yobe 16:21

Akia, udi ungambuluisha akose nsambu yanyi, idi pankatshi panyi ne Mvidi Mukulu, bu mudibu bakosa nsambu pankatshi pa muntu ne mulunda wende.

Nehemya 9:33

Mu malu onsu adi matukuate, wewe udi wenza amu biakane. Nansha tuetu bakubenge, wewe uvua anu utukeba, utunanga.

Ezela 9:15

Lelu, Maweja-Nangila Mvidi Mukulu wa Izrayele, bu muudi ne luse, udi muanyishe bua bamue ba kutudi bashale ne muoyi. Tudi bimane kumpala kuebe, tuetu bena mibi. Kadi bu wewe kuyi ne luse, muntu nansha umue kavua mua kuimana kumpala kuebe ne bubi bua mushindu ewu.”

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

2 Samuele 24:10

Diakamue Davide kudiunwua ne: ndi muenze bibi pandi mubadike bantu ba bena Izrayele. Kuambilaye Maweja-Nangila ne: — Pandi mubadike bena Izrayele, ndi muenze bibi bitambe. Ndi ntonda ne: ndi muenze bualu ebu amu bu muntu udi kayi ne lungenyi! Maweja-Nangila umfuileku luse bua bubi buanyi.

Yobe 40:3

Nanku Yobe kuandamuna Maweja-Nangila ne:

Muadi 3:29

Atue mishiku panshi, mutekemene ne: Maweja-Nangila neangambuluishe.

Lewitiki 13:12

Kadi padi mutuangaji umona ne: muntu ewu udi ne mpusu mubidi mujima, ku mutu too ne ku makasa,

Yobe 37:19

Utumanyishe tshitudi mua kuambila Mvidi Mukulu. Katuena natshi. Mu mutu muetu mudi mutupu.

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”