Yobe 36:2 - MUKANDA WA MYIDI MUKULU

² Yobe umfuile luse nkumvuije kabidi, amue malu adi atangila Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

² Anji kungindila tshituha bua meme mmanye mua kukulesha manga malu; bualu bua ndi ne mei makuabo a kuamba bua kuhingisha nʼau Nzambi.

Yobe 36:2 Referans Kwoze

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

Yobe 21:3

Nuanyishe, nuitabe mua meme kuakula munudi basue. Meme mumane kuakula, nudi anu mua kunseka.

Ebrewu 13:22

Bana hetu, ndi nnulomba ne: nuteleje ne lutulu miaku eyi ya kunukolesha nayi ku muoyi, bualu malu andi munufundile mu mukanda ewu kaena matambe bule.

Yezekiyele 2:7

Neubambuluile bionsu bindi nkuambila ebi, nansha bobu bakuteleje, nansha kabayi bakuteleje, bualu mbantu ba tshitunu.

Yirmeya 15:19

Kadi Maweja-Nangila kungandamuna ne: Wewe mupingane kundi, nenkuakidile, ushale muena mudimu wanyi. Pawikala kuyi wamba kabidi malu a tshianana, kadi umanyishe bantu malu adi ne bualu, newikale tshiakabidi muambi wanyi. Meme nengikale mukana muebe. Bena Yuda badi ne bua kukulonda, kadi wewe kuena ne bua kubalonda bobu!

Yobe 33:6

Wewe ne meme kumpala kua Mvidi Mukulu tudi mumue. Uvua mutufuke bonsu babidi ne diima.

Ekesode 4:16

Arone neakule ne bantu, ubambila malu auvua ne bua kuamba wewe. Wewe newikale bu Mvidi Mukulu, udi umumanyisha tshidiye mua kuamba, yeye neikale muambi webe.

Yobe 36:1

Elihu kuamba kabidi ne:

Yobe 36:3

Bantu badi kule bavua bangambila bindi ndongesha, bua mmone mua kubingisha Mvidi Mukulu Mumfuki wanyi.