Yobe 34:5 - MUKANDA WA MYIDI MUKULU

⁵ Yobe udi wamba ne: “Tshiena ne bualu bubi bundi muenze nansha. Kadi Mvidi Mukulu kena muanyishe malu makane andi ngenza to.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua Yobo udi wamba ne, Ndi muakane; Nzambi wakunyenga kulumbulula kuakane kundi.

Yobe 34:5 Referans Kwoze

Yobe 33:9

“Meme tshiena ne bualu, tshiena mutombokele Mvidi Mukulu. Tshiena muenze tshilema. Ndi amu mundi emu.

Yobe 27:2

Ndi nditshipa mu dina dia Mvidi Mukulu udi ne muoyi, udi kayi musue kukosa nsambu yanyi biakane, mu dina dia Wa bukole buonsu udi unkengesha.

Yobe 32:1

Pashishe bantu aba basatu, Elifaze, Bildade ne Sofare kabavua basue kuandamuna kabidi Yobe bualu to, bualu uvua udiunwua ne tshiena ne bualu.

Yobe 29:14

Meme kuvuala buakane bu tshilamba. Kanemu ka tshintu tshia bende kavua mu tshinkutu ne mu tshifulu tshianyi.

Yobe 16:17

Tshivua muenze bualu bubi nansha bumue, mvua mutendelele amu bimpe, tshiyi ne mpala ibidi to.

Yobe 11:4

Uvua wamba kabidi ne: “Tshiena nshima to. Mvidi Mukulu mene udi mua kujadika mundi tshiyi ne bualu!”

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Yobe 9:17

Udi unzaza amu bua bualu bukese. Udi untapa amu kuntapa mputa, kayiyi bualu,

Yobe 6:29

Kanumpishi, tshiena ne bualu to.

Yobe 13:18

Eyowa, ndi udilongolola bua kulumbulula. Kadi ndi mumanye ne: tshiena mua kupila to.

Yobe 34:4

Nenku, tujingululayi malu adi mimpe. Tukebe bonsu pamue muaba udi bulelela.

Yeshaya 40:27

Wewe Izrayele, tshisamba tshia Yakobe, bua tshinyi udi wamba ne: “Maweja-Nangila kena umona makenga adi ankuata. Mvidi Mukulu kena utangila, badi bankengesha tshianana!”

Yobe 8:3

Udi muitabe bulelela ne: Mvidi Mukulu, udi mua kubenga malu makane anyi? Wa bukole buonsu udi mua kupanga kulonda meji mimpe anyi?

Yobe 19:7

Pandi ngela mbila bua bangambuluishe, muntu nansha umue kena unteleja. Ndi ndomba bua bakose nsambu yanyi pa yoyi, muntu nansha umue kena undumbuluila.