Yobe 33:12 - MUKANDA WA MYIDI MUKULU

¹² Kadi Yobe ndi nkuambila ne: udi mupile. Mvidi Mukulu mmunene mupite muntu, kena mua kusangana nende mpata to.

Mukanda wa Nzambi Dihungila Dikulukulu ne Dihungila Dihia-dihia 2003

¹² Kadi mu muanda eu wewe kuena wamba dî dilelela; nenkukudimune dî; bualu bua Nzambi udi muhite bantu bunene.

Yobe 33:12 Referans Kwoze

Yezekiyele 18:25

Nudi nuamba ne: ‘Bidi Maweja-Nangila wenza kabiena bimpe to. Udi ukolesha malu!’ Nuenu bena Izrayele, telejayi bimpe, udi ukolesha malu mmeme anyi? Nansha kakese! Badi bakolesha malu bapitshisha, ke nuenu!

Yobe 36:5

Nansha Mvidi Mukulu ne bukole bupite, kena upetula muntu to. Udi Mfumu muena diyi dimue.

Yirmeya 18:6

“Nuenu bena Izrayele, meme Maweja-Nangila tshiena ne bukole bua kuenza nenu mudi mufumbi wa ngesu ewu wenza anyi? Nudi mu tshianza tshianyi, bu buloba bua diima mu tshianza tshia mufumbi.

Muambi 7:20

Mulengele kabula kalema, udi ne kende kamulamata.

Yobe 40:2

Wewe udi musue kuelangana mpata pa malu adi Mvidi Mukulu wa bukole buonsu mulongolole anyi? Utshidi umuasa tshilumbu anyi? Neupuwe anyi, peshi utshidi ne bua kuandamuna ku bindi ngamba.

Yobe 35:4

Nanku, meme nenkuandamune ku lukonku elu. Nengandamune kabidi ya balunda bebe.

Yobe 35:2

Yobe, paudi wambila Mvidi Mukulu ne: tshiena ne bualu, udi wenza bimpe anyi?

Yobe 34:23

Mvidi Mukulu kena ne bua kubikila muntu ku tshilumbuluilu, kumulumbuluisha mutantshi mule nansha.

Yobe 32:17

Nanku ke dianyi diba dia kuakula edi! Ndi musue kumvuija mundi muele meji.

Yobe 26:14

Ebi bidi amu midimu mikese ya Mvidi Mukulu itudi tutela, bualu ku bionsu bidiye muenze, bitudi bamanye mbikese. Udi mua kujingulula bunene buende nnganyi?

Yobe 9:4

Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Yobe 1:22

Yobe kavua muenze tshilema nansha tshimue mu makenga aa onsu avua mamukuate. Kabidi kavua mujane Mvidi Mukulu ku bualu nansha bumue to.

Yobe 11:7

Kadi wewe udi mua kumanya malu adi munda mua Mvidi Mukulu anyi?

Yobe 11:6

Bu yeye mua kukuleja mushindu udiye ukuata mudimu ne meji mu musokoku, mudimu utudi tuetu bantu katuyi mua kujingulula, nanku diba adi uvua mua kujingulula ne: Mvidi Mukulu udi ulengulula bilema biebe bia bungi.

Yobe 11:9

Bunene buende mbualabale, bupite buloba, bupite ne mayi manene.