Yobe 3:5 - MUKANDA WA MYIDI MUKULU

⁵ Miidima mikole idikuate! Divuba difike didibuikile! Ngondu ajimije nsese ya diba, akuatshishe bantu bowa.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mîdima ne mufidi mufike fitutû bidiangate. Difutu dishikamehu; bintu bionso bidi bifikisha difuku adi biditshinyishe.

Yobe 3:5 Referans Kwoze

Misambu 23:4

Nansha mpita mu lupongu lua miidima, tshiena mua kutshina bubi nansha bumue, bualu Maweja-Nangila udi wenda nanyi, undombola, unsungidila ku njiwu, ke bidi binsankisha

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Yeshaya 9:2

Maweja-Nangila, wewe kubasankisha bikole, kuvudija musangelu wabu! Badi basanka kumpala kuebe, mudi bantu batshionkomoka matuku a kunowa, mudibu babanyangana bivuabu bapawule mu mvita, beela mbila ya disanka.

Yobe 28:3

Bakebi ba biamu badi baya ne miendu munda mua buloba, badi bakenketa mabue, bumbula too ne mu miidima.

Luke 1:79

Butoke abu nebutokeshe badi mu miidima ne mu dijimba dia lufu, nebuludike makasa etu mu njila wa bupole.

Matayi 4:16

Bantu badi basomba mu midima nebamone butooke bunene! Bantu badi basomba mu ditunga dia lufu mu midima, butooke nebubakenkele!”

Yirmeya 2:6

Kabavua nanyi bualu, kabavua bebejangana ne: ‘Maweja-Nangila udi penyi? Yeye ke uvua mutupatule mu Ejipitu, mutupitshishe mu tshipela, muaba muume uvua ne mbuwa, muaba kauyi mayi, udi ukuatshisha bantu bowa, muaba udi muntu kayi upitshila, kayi wasa nzubu.’

Yobe 38:17

Bakadi bakuleja tshiibi tshia mu kandondu ka bafue, muaba udi miidima kashidi anyi?

Yobe 24:17

Bonsu aba badi batshisha ne miidima. Bualu mbibidilangane amu ne miidima ya butuku.

Ebrewu 12:18

Nuenu kanuena basemena bu bena Izrayele pabuipi ne mukuna udibu mua kulenga. Kanuena bamone kapia kakole, bufike ne miidima, tshipepele tshikole.

Amosa 8:10

Nengandamune bibilu bienu bia masanka, bienza matuku a madilu a nuenu kudila. mMisambu inudi nuimba nutshionkomoka, neyandamuke yonsu misambu ya miadi ne mikemu. Nenuvuale bonsu bilamba bikayapale, nenukungule mitu yenu yonsu bu baledi badi mu madilu, badila nsongalume mulela anu umue. Dituku adi nedijike mu tshinyongopelu, mu kanyinganyinga kakole, kakuyi udi unusamba.

Amosa 5:8

Uvua muenze mitotu, tshidimina nzaji, mbua-nyama-ne-muntu. Udi ukudimuna midima, uyenza butoke bua mu dinda. Udi wandamuna munya, uwenza butuku. Udi ubikila mayi a mu mayi manene, wapuekesha pa buloba, ulokesha mvula. Dina diende Maweja-Nangila.

Yowele 2:2

Dituku adi ndia miidima mikole, ndia mavuba ne mabungi. Tshisumbu tshia mpasu tshidi tshifika, tshinene, tshikuatshisha bowa! Tshidi tshifikisha panshi, bu mudi butuku bufikisha pa mikuna. Katshia kabena banji kumona bualu bua mushindu ewu, kabena mua kubumona kabidi to.

Yezekiyele 34:12

Nenyisangishe muaba umue amu bu mudi mulami wenza padi mikoku yende mitangalake. Nennye kukeba mikoku yanyi miaba yonsu ivuayi numuangalake dituku dia tshipepele tshikole.

Yezekiyele 30:3

Nedikale dituku didi ne mavuba adi akuatshisha bowa. Nedikale dituku dia kulumbuluisha bisamba.

Yirmeya 4:28

Nanku, buloba nebudile muadi. Mulu nemuenze miidima. Ndi ngamba bindi mumane kuela meji bua kuenza. Tshiena nkudimuna meyi andi mumane kuamba to. Tshiena nshintulula bualu ebu to.”

Misambu 107:14

Kubapatulaye mu nzubu wa lukanu wa miidima, kutshibula nkanu yabu.

Misambu 107:10

Bakuabu bavua mu dikenga, babasuika nkanu, basombe mu nzubu wa lukanu wa miidima.

Misambu 44:19

Katuena nansha bakubenge, katuena bapambuke mu njila webe.

Yobe 16:16

Ndi ndila bikole, mesu akadi mankunze onsu, mmamane kuwula, tshiyi mmona bimpe.

Dielulula 4:11

Nuenu kusemena kuinshi kua mukuna. Ke kuvua ndimi ya kapia ilakuka, iya mulu, yenza mavuba a muinshi mufike.

Yobe 3:4

Dituku adi dikale dia miidima mikole. Mvidi Mukulu kadivuluki! Butoke kabuditokeshi nansha.

Yobe 3:6

Butuku abu buikale bua miidima mikole. Kabubadi munkathi mua matuku a mu tshidimu. Kabena mua kububala mu matuku a ngondu.

Yobe 34:22

Miidima nansha yoyi mikole bishi, kayena mua kusokoka benji ba malu mabi, bua Mvidi Mukulu kabamanyi.