Yobe 3:13 - MUKANDA WA MYIDI MUKULU

¹³ Bu meme mufue kuonsu aku, mvua mua kuikala mu lukita talalaa, muikishe mu bupole.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Nunku nakadi kulala hanshi diba adi, nakadi kuikala holâ; nakadi kulala tulu; nunku nakadi kuikisha

Yobe 3:13 Referans Kwoze

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Yobe 21:23

Bantu bakuabu badi basomba bimpe too ne ku lufu luabu, kabena ne lutatu, nansha dikenga.

Yobe 21:13

Bamane kulala panu ne diakalenga, badi bafua talalaa, babuela mu dijimba dia bafue.

Yobe 19:27

Bushuwa, meme netumumone! Nemmutangile kayi bu muenyi kundi. Muoyi mmunshikile munda ne dindila dia dituku adi.

Yobe 17:13

Ndi mua kutekemena kabidi tshinyi? — Nembuele mu dijimba dia bafue, bua meme kulala mu miidima.

Yobe 10:22

Mu ditunga adi mudi amu miidima ne tshimvundu, nansha munya kabidi mmufuanangane ne butuku.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Yobe 3:12

Mvua musangane binu bibidi bia tatu bua yeye kungambula, ne mabele abidi bua meme kuamua bua tshinyi?

Yobe 10:21

Nkadi makasa matangila mu ditunga dia bafue, dia miidima, tshiena mua kupingana panu to.

Yobe 14:20

Udi wela muntu panshi, umujimija kashidi, udi umutuma ku lufu, mpala wende mumane kunyanguka.

Yobe 16:22

Eyowa, angambuluishe, bualu matuku anyi mmabale ku minu. Ndi nya mu njila udibu kabayi batua bapingana.

Yobe 19:25

Kadi ndi mumanye bimpe ne ndi ne muntu udi ungakuila, pa buloba ebu, yeye neambe muaku wa ndekelu.

Yobe 21:26

Kadi bonsu aba badi amu balala munda mua buloba, anu matuku makese, bikusu bikadi bibadia.

Yobe 24:19

Mudi mabue a mvula enguluka padi diba dibanda, ke mudi bena tshibawu babuela mu kandondu ka bafue bajimina.

Yobe 24:20

Mamu uvua mubalele ukadi mubapue muoyi. Badi babadia kudi misanda. Bantu kabena babavuluka kabidi to. Badi batshibula bubi bu mudi mutshi.

Yobe 26:5

Bafue badi basa mu ditunga dia miidima. Badi bazakala muinshi mua mayi manene.

Yobe 26:6

Bualu kandondu ka bafue kadi amu patoke kumpala kua Mvidi Mukulu. Tshilamba katshiena mua kubuikila dijimba ku mesu ende to.

Yobe 34:22

Miidima nansha yoyi mikole bishi, kayena mua kusokoka benji ba malu mabi, bua Mvidi Mukulu kabamanyi.

Yezekiyele 32:27

Kabena babajike ne lumu muvuabu bajika bena mvita ba bukitu kale, bavua bakuatshisha bantu bowa pa buloba. Bena mvita ba bukitu aba, mbabatume mu kandondu ka bafue, ba-vuala bintu biabu bionsu bia mvita: bavua bateka mutu pa muele, ngabu pa tshiadi.