Yobe 28:16 - MUKANDA WA MYIDI MUKULU

¹⁶ Kaena mushinga umue ne tshiamu tshia mpawungi, tshia safire, nansha ne mabue a mushinga mukole a komaline.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Kabena bamanye mua kuelekesha mushinga wau ne wa or wa ku Ofî, anyi wa mabue a onyx a mushinga mukole, anyi wa dibue dia saphir.

Yobe 28:16 Referans Kwoze

Yezekiyele 28:13

Uvua musombe mu Edene, mu lupangu lua Mvidi Mukulu. Bavua bakubuikile ne mabue a mushinga mukole a mishindu yonsu, makunze, matoke, a mayi a matamba, a mbongu, a mayi a nkunde, a komaline, a jaspe, a safire, a ngrenate ne a emerode. Uvua mutuale bilengejilu tatuabu benze ne tshiamu tshia mpawungi dituku divuabu bakufuka

Yeshaya 13:12

Nenkepeshe bantu, bashale bakese, bu tshiamu tshia mpawungi muimpe, bu mpawungi wa mu Ofire.”

Misambu 45:9

Bilamba biebe bidi binunka dipembu dia manananshi mashilangane. Mu nzubu muebe mulengeja ne mibanga mudi miadi ya bisanji idi ikusankisha.

1 Kulondolola 29:4

Ndi mfila kilo binunu lukama ya mpawungi wa mu ditunga dia Ofire, ne tshiamu tshitoke tshia mushinga mukole tshia bujitu bua kilo binunu nkama ibidi ne makumi anayi, bua kulamika ku bimana bia nzubu wa Mvidi Mukulu.

Ekesode 28:20

Mulongu muinayi wikale ne mabue a krisolite, komaline ne yaspe. Dibue dionsu dikale dibueja mu disosu dia tshiamu tshia mpawungi didi ku tshilamba tshia pa tshiadi.

Yobe 28:15

Kabena mua kuashintakaja ku tshiamu tshimpe tshia mpawungi. Kabena baasumba ku tshiamu tshitoke tshia mushinga mukole, nansha tshiotshi bungi bishi?

Yobe 28:17

Tshiamu tshia mpawungi nansha talatala, kabiena bifuanangane nawu ku mushinga. Kabena mua kuashintakaja ne luesu lua tshiamu tshia mpawungi.

Musambu wa Solomo 5:14

Maboku ende adi bu lukanu lua tshiamu tshia mpawungi, lulengeja ne mabue mafiike a mushinga mukole. Mubidi wende udi bu mubanga mupela, mulengeja ne mabue a safire.

Yeshaya 54:11

Wewe Yerushalayime udi mukengi, udibu banyungisha kudi tshipepele tshikole, kakuyi muntu udi ukusamba. Kadi meme Maweja-Nangila ndi ngamba ne: “Nenkuasulule ne mabue malengeja bimpe. Nengenzulule bitaku biebe ne mabue mafikuluke.

Muadi 4:7

Bana ba bamfumu bavua bakenka, bapite neje, bavua bapite mabele ku butoke. Mibidi yabu ivua mimpe, mikunzubile mipite mabue a koraye. Mijilu ya mu mibidi yabu ivua mifikuluke, bu dibue dia safire dia mushinga mukole.