Yobe 24:13 - MUKANDA WA MYIDI MUKULU

¹³ Bantu babi badi babenga butoke. Kabena balue kukeba njila idi Mvidi Mukulu utuleja nansha. Kabena basue kuyilonda nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Aba mbantu badi batombokela munya; kabena bamanye nshila yau, ne kabena bananukila kuenda mu nshila yau.

Yobe 24:13 Referans Kwoze

Yuda 1:6

Nuvuluke muvua batumibue ba Mvidi Mukulu bapetula muanzu uvuabu bapete, kabidi muvuabu bapatuka muaba uvuabu basombe. Ke mudi Mvidi Mukulu ubalama, basuika nkanu ya kashidi, mu miidima ya mu kandondu ka buloba, bua amone mua kubalumbuluisha dituku dinene dia Tshilumbuluilu.

Nsumuinu 4:19

Kadi njila idi bantu babi balonda idi miidima. Kabena bamanye muaba udibu mua kulendukila.

1 Yone 2:19

Bantu aba kabavua hetu menemene to. Bobu bikale hetu, bavua mua kushala netu. Kadi mbumuke kutudi. Ke padibu baleje patoke ne: nansha umue wa kudibu kavua wetu menemene.

Yakobe 4:17

Nanku muntu udi mumanye bualu buimpe budiye ne bua kuenza, ubenga kubuenza, mmuena tshibawu.

Rome 1:32

Badi bamanye bimpe tshilumbuluilu tshia Mvidi Mukulu, bamanye mudi bantu badi benza malu a mushindu ewu bakumbanyina lufu. Kadi badi amu batungunuka ne dienza dia malu a nanku, batua kabidi benji ba malu mabi makumbu.

Yowanane 15:6

Muntu udi kayi ushala mudisange nanyi, nebamuimanshe pa mbelu bu ditamba. Neume. Matamba mume badi baangula, baela muiku, baosha.

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Yowanane 8:31

Ke Yezu kuambila bena Yuda batua bamuitaba ne: — Panudi nuitaba muenu muonsu dilongesha dianyi, nenuikale bulelela balongi banyi.

Yobe 5:14

Badi benda mu munya, kadi badi batetuka bu badi benda mu miidima. Badi bababata bu mutu bantu benza mu butuku.

Yobe 24:12

Mu tshimenga, bantu badi batua mikemu, badi bapunga ne lufu, bela mbila. Kadi Mvidi Mukulu kena uteleja miadi ya bantu abu nansha.

Yobe 24:14

Patshiatshia, mushipianganyi udi ujuka, uya kushipa mukengi udi kayi ne tshintu. Padi butuku buila, udi uya kuiba.

1 Bakalenga 3:20

Nanku, mukaji ewu kujuka munkatshi mua butuku, meme mulale. Kuambulaye muananyi uvua mulale ku luseke luanyi, kuyaye kumuladika mu bulalu buende. Pashishe muanende uvua mufue, kumuladikaye ku luseke luanyi.

Yobe 24:16

Mu butuku, muivi udi utubula bimana bia nzubu, mu munya udi ushala musokome kuende, bualu udi utshina butoke.

Yobe 38:13

Ukadi mutume kabundubundu, bua kanyungishe buloba ku ntengu yabu yonsu, bua kele bantu babi bonsu panshi anyi?

Yobe 38:15

Kadi bantu babi kabena bamona butoke to, bualu budi bubakandika bua kabenji kabidi bibi.