Yobe 23:10 - MUKANDA WA MYIDI MUKULU

¹⁰ Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kadi yeye udi mumanye nshila undi ngendela; ne hamaneye kunteta, nempatuke bu tshiamu tshia or.

Yobe 23:10 Referans Kwoze

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Misambu 66:10

Mvidi Mukulu wetu, udi mututete, mutulengeje, mudibu bengulula tshiamu tshia mushinga mukole mu kapia.

Nsumuinu 17:3

Mpawungi ne tshiamu tshitoke tshia mushinga mukole, badi babiteta mu kapia, kadi Maweja-Nangila udi uteta mushinga udi nawu muntu.

Misambu 17:3

Butuku udi unkenketa, unjooja, unteta, kuyi unsangana ne bualu. Bindi ngela meji ke bindi ngamba.

Ebrewu 11:17

Amu bua ditaba diende, Abrahame kufila Izake bu mulambu, pavua Mvidi Mukulu mumutete. Uvua muitabe bua kulambula muanende mulela umue,

2 Timote 2:19

Kadi tshitaku tshikole tshivua Mvidi Mukulu muase, kabena mua kutshinyungisha. Bavua bafundapu ne: “Mfumu udi mumanye bena diende.” mBafundepu kabidi ne: “Muntu yonsu udi wamba ne: ndi muntu wa Mvidi Mukulu, udi ne bua kulekela kuenza malu mabi.”

Yowanane 21:17

Pashishe kumukonkaye tshiakasatu ne: — Simone, muana wa Yowanane, udi munnange anyi? Petro kubungama, bualu Yezu uvua umukonka tshiakasatu ne: “Udi munnange anyi?” Ke kumuandamunaye ne: — Mfumu, udi mumanye bionsu, udi mumanye mundi mukunange! Yezu kumuambila ne: — Ukube mikoku yanyi.

Misambu 1:6

Bualu Maweja-Nangila udi ulombola badi bamulamata. Kadi badi kabayi bamuitaba, nebabutuke.

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

2 Bakalenga 20:3

— Eyi! Maweja-Nangila, uvuluke bionsu bimvua ngenza. Mvua mukuitabe ne muoyi mujima. Mvua anu ngenza malu mimpe bua kukusankisha! Pashishe, Izkiya kudila bikole.

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

1 Korente 3:15

Kadi pikala kapia kosha nzubu uvuaye muase, neapange difutu. Kadi yeye mene nebamusungidile, mudi muntu upitshila lubilu mu kapia bua kupanda.

Yobe 6:29

Kanumpishi, tshiena ne bualu to.

Yobe 7:18

Udi umukenketa dinda dionsu, udi umuteta amu kumuteta kuyi wikisha.

Yobe 23:7

Mvua mua kuyukidilangana nende bualu ndi muntu muakane. Yeye mukoshi wa nsambu uvua mua kumbingisha kashidi.

Yobe 23:9

Udi ukuata mudimu ku mutu kua ditunga anyi? To! Tshiena mumumoneku to. Kadi mmusokome kuinshi kua ditunga anyi? Tshiena musunguluje bualu to.

Yobe 31:6

Mvidi Mukulu ampime ne tshipimu tshidi tshiakane. Nanku neamanye ne tshiena ne bualu.

Misambu 7:9

Maweja-Nangila, wewe mulumbuluishi wa bisamba, kosa tshilumbu tshianyi pa tshiotshi, leja buakane buanyi patoke ku bantu.

Misambu 11:5

Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

2 Samuele 22:22

Ndi nkumbaja mikenji ya Maweja-Nangila. Tshiena ngenzela Mvidi Mukulu wanyi bibi to.

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Yobe 31:4

Nanku Mvidi Mukulu kena umona bindi ngenza anyi? Udi ubadika njila yonsu indi ngenda.

Yobe 33:9

“Meme tshiena ne bualu, tshiena mutombokele Mvidi Mukulu. Tshiena muenze tshilema. Ndi amu mundi emu.

Yirmeya 12:3

Maweja-Nangila udi mummanye meme. Udi mummone, udi mujadike mundi mukunange, mukusungule amu wewe. Kadi bantu babi, ubateke ku luseke, anu bu mudibu bateka mbuji ya mikoku pa nkayayi bua kuyishipa. Ubateke ku luseke bua dituku dia kabutu babashipe.