Yobe 22:21 - MUKANDA WA MYIDI MUKULU

²¹ Utue ndondu ne Mvidi Mukulu. Nanku bionsu nebiende bimpe. Ke muudi mua kupeta diakalenga tshiakabidi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Unvuangane biebe ne Nzambi, wikale ne ditalala; nunku diakalengele nedilue kûdi.

Yobe 22:21 Referans Kwoze

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Yeshaya 27:5

Ke mundi nnyoka baluishi bonsu ba budimi buanyi, padibu kabayi bankeba, kabayi batua nanyi ndondu. Eyowa, bumvuangane nanyi.”

Filipe 4:7

Bu munudi badisange ne Kristu, Mvidi Mukulu nealame mioyi yenu ne meji enu mu bupole buende, budi bupite bionsu bidi muntu mua kujingulula.

Misambu 34:10

Nuenu bantu ba Maweja-Nangila, nuitabe bumfumu buende. Badi bamutumikila, kabakukenga kantu.

2 Korente 5:20

Ke mutudi tuakula mu dina dia Kristu. Mvidi Mukulu mene udi unubikila patudi Umuambila ne: “Mu dina dia Kristu tudi tunusengelela ne: nuanyishe bua Kristu anutuangaje ne Mvidi Mukulu.”

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Matayi 5:25

Pikala muntu mukufunde, kabidi nuye nende pamue kudi ndumbulula, keba mua kumvuangana nende lukasa, panutshidi mu njila apu. Kuyi mumvuangane nende, neakukuatshishe kudi mulumbuluishi. Awu pende neakufile kudi mulami wa bena lukanu, bua bakuele mu nzubu wa lukanu.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.