Yobe 21:25 - MUKANDA WA MYIDI MUKULU

²⁵ Kadi bakuabu badi bafua ne kanyinganyinga kakole, kabayi bapeta disanka panu nansha dimue.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Mukuabo udi ufua ne mutshima unyingalala bikole, kayi muanze kuheta tshintu tshimpe nansha musangu umue.

Yobe 21:25 Referans Kwoze

Yobe 7:11

Ke pandi tshiyi mua kupuwa kashidi to. Bu mundi ne kanyinganyinga kakole mu muoyi wanyi, ndi amu ne bua kuakula. Dibungama dianyi ndipite, ndi amu ne bua kuamba bidi bintonda.

Yezekiyele 12:18

— Yezekiyele, udie diampa diebe, uzakale; unue mayi, utshine, uzakale.

Muambi 6:2

Tuambe ne: Mvidi Mukulu mmupeshe muntu kampanda bubanji, biuma ne lumu lunene. Muntu awu udi ne bionsu bidiye ujinga. Kadi Mvidi Mukulu kena musue bua asanke nabi to. Muntu mukuabu udi ubidia. Bualu abu mbualu bubi, ndikenga dipite bunene!

Nsumuinu 14:10

Muntu yonsu udi mudimanye nkayende kanyinganyinga ne disanka bidi mu muoyi wende. Muntu mukuabu nansha umue kena mua kubiumvua menemene to.

Yobe 20:23

Patshidiye uwuja difu diende tente, ke padi Mvidi Mukulu umudisha tshiji tshiende, mpindiewu udi utshidia ukuta.

Yobe 10:1

Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Yobe 9:18

Kena musue bua meme kueyela, kuikisha katupa. Udi untatshisha, unyingalaja bikole.

Yobe 3:20

Mvidi Mukulu udi utshishila bena dikenga dituku, bua tshinyi? Bena kanyinganyinga kabena bafue bua tshinyi?

1 Bakalenga 17:12

Mukaji kuandamuna ne: — Bu mudi Maweja-Nangila Mvidi Mukulu webe ne muoyi, ndi nkujadikila ne: tshiena ne diampa to. Ndi mushale anu ne dianza dia bukula mu mulondu, ne mafuta makese mu kasu. Ndi mufike muaba ewu bua kuangula tukunyi, bua kuya kulamba biakudia bidi bishala abi, bua meme kudia ne muananyi wa balume. Patuadia biakudia abi netufue, bualu katuena ne bikuabu to.

2 Samuele 17:8

Wewe udi mumanye tatuebe Davide bimpe ne bantu badiye nabu: bonsu mbena mvita ba bukitu. Badi ne lonji bu nyama ya nkashama, padi mamuende mujimine mu tshisuku. Kabidi tatuebe mmuena mvita, kena mua kulala muaba umue ne bena mvita bakuabu to.

Yobe 21:24

Badi badiunda ne mubidi muimpe, bu wa bansonga.

Yobe 21:26

Kadi bonsu aba badi amu balala munda mua buloba, anu matuku makese, bikusu bikadi bibadia.