Yobe 20:7 - MUKANDA WA MYIDI MUKULU

⁷ neajimine anu bu mudi bunyawu buende. Bantu bavua bamumanye nebakonke ne: “Udi penyi?”

Mukanda wa Nzambi Dihungila Dikulukulu ne Dihungila Dihia-dihia 2003

⁷ hashishe, yeye neafue tshiendelele bu mudi tunvi tuandi tujimine; bakamumona diambedi nebakonke ne. Udi kudi kunyi?

Yobe 20:7 Referans Kwoze

Misambu 83:10

Eyi, Mvidi Mukulu, enzela bantu aba bu muuvua muenzele Sisra ne Yabine, ku musulu wa muenji mukole wa Kishone. Nansha bu muuvua muenzele bena Madiyane,

Yobe 14:10

Kadi padi muntu ufua, kuende nkujika! Neumukebele penyi?

2 Bakalenga 9:37

Minyinyi ya Yezabele ikale mishale, nebayimiamine mu budimi ebu bu bufuke buela panshi. Nanku, muntu kakumanya kabidi ne ewu ke Yezabele to!”

1 Bakalenga 14:10

Nanku, nennyoke bena nzubu webe. Nembutule bena diku diebe bonsu: bana ne bantu bakulumpe. Nembutule bena nzubu bebe bonsu, anu bu mudibu bimansha bintu ku dyala ne lukombu.

Yirmeya 8:2

Nebatangalaje miluba panshi kumpala kua Diba, kua Ngondu ne kumpala kua Tshiluilu tshia mitotu. Bintu ebi ke mvidie ivua bantu aba banange, ke ivuabu batendelela, ke ivuabu balamate, ke ivuabu bakonka malu, bakukuila. Kabena bangula mifuba eyi bua kuyijika to. Neyishale anu panshi bu bufuke bua kufikisha buloba.

Yobe 8:18

Kadi bu wewe mua kutula mutshi awu muaba uvuawu, bantu kabena mua kuitaba ne: muaba ewu uvua mutshi to.

Yobe 7:10

Muntu mumane kufua nanku, kena upingana kuende kabidi to. Nansha muaba uvuaye musombe, badi bamupua muoyi.

Yobe 4:20

Biangatshile mu dinda too ne ku dilolu, bantu badi bapita bafua, kabayi nansha babamona kabidi.

Yobe 14:20

Udi wela muntu panshi, umujimija kashidi, udi umutuma ku lufu, mpala wende mumane kunyanguka.

Yobe 27:19

Badi ne biuma, kadi kabakukulakaja nabi. Padibu batabuluka, kabena ne tshintu kabidi to.

Yeshaya 41:12

Neukebe bantu bonsu, bavua bakuluisha, kuyi ubamona. Bonsu bavua baluangana nebe, nebajimine.

Obadya 1:4

Nansha nuenu banangapale mulu bu nyunyi ya tshiminyi, nansha nuenu bibakile disua dienu munkatshi mua mitotu, nennukulule. Meme Maweja-Nangila, ndi ngamba nanku.

Yobe 14:14

Kadi muntu mumana kufua, udi mua kubika tshiakabidi anyi? Uvua amu mua kuikala ne lutulu mu matuku atshidiye ukuata mudimu panu, utekemena too ne paudi ufika, bua kunjula.

Yobe 21:28

Bualu nudi nuebeja ne: “Nzubu wa muena biuma awu udi penyi? Nudi mua kutuleja muaba udi muena malu mabi usomba anyi?”

Misambu 41:5

Bu mundi ntekemena nanku, ndi ngambila Maweja-Nangila ne: “Ndi muena tshibawu ku mesu ebe, kadi umfuile luse, umpingajile bukole ne makanda.”

Misambu 112:10

Padi muntu mubi umona bualu ebu, udi unyingalala, usumakaja menu, ubutuka. Dijinga dia bantu babi nedijimine.