Yobe 20:2 - MUKANDA WA MYIDI MUKULU

² Eyi, ndi ne tshiji, meji mmanshikile. Ndi musue kukuandamuna lukasa.

Mukanda wa Nzambi Dihungila Dikulukulu ne Dihungila Dihia-dihia 2003

² Bua mei â meji anyi adi ampesha diandamuna kûdi; bua muanda eu ndi musue kuamba dî lukasa.

Yobe 20:2 Referans Kwoze

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Misambu 31:22

Maweja-Nangila, tuasakidila, uvua mundeje muuvua munnange bikole. Meme mvua bu tshimenga tshidibu baluisha.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Rome 10:2

Bualu ndi mua kubajadikila ne: badi ne disuminyina dikole, bakeba kuenza tshidi Mvidi Mukulu musue. Kadi disuminyina diabu adi kadiena dishindamena pa dimanya dilelela nansha.

Marke 6:25

Nsongakaji kupingana kudi mukalenga ne lukasa luonsu, umulomba ne: — Ndi musue amu mpindiewu, umpeshe mutu wa Yowanane-Batiste pa dilonga disalame!

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Muambi 7:9

Kufiki munda lukasa, bualu tshiji mmudimu wa bantu bapote.

Nsumuinu 29:20

Wewe musangane muntu wakula kayi wela meji, mbimpe kutekemena kudi mutshimbakane pa mutu pa kutekemena kudiye.

Misambu 116:11

Mvua ndubakana ngamba ne: “Kakuena muntu undi mua kutekemena!”

Yobe 20:3

Biudi ulongesha bidi tshipendu. Kadi ndi mumanye tshindi ne bua kuandamuna.

Yobe 13:19

Biangatshile lelu, muntu udi mua kungasa tshilumbu anyi? Ndi mumane kudilongolola, pandi mua kupila, nempuwe, nansha bua kufua ndi musue.

Yobe 4:2

Bu meme mua kukuambila bualu, bidi mua kukutonda anyi? Kadi udi mua kupuwa muaba ewu nganyi?

Yobe 20:1

Pashishe Sofare wa mu musoku wa Naama, kuambilaye Yobe ne: