Yobe 20:11 - MUKANDA WA MYIDI MUKULU

¹¹ Uvua mudiumvue ne bukole bu nsongalume. Kadi bionsu abi nebiye nende mu lukita.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mifuba yandi idi miule tente ne bukole bua bunsongalume buandi, kadi buobu nebulale nʼandi mu buloba.

Yobe 20:11 Referans Kwoze

Yobe 13:26

Udi ungasa bilumbu bikole be. Udi unnyoka nansha bua bilema bia ku buana.

Misambu 25:7

Nanku, kuvuluki bilema bianyi bia ku buana, nansha ntupakanyi yanyi. Kadi Maweja-Nangila, kumpu muoyi, bualu udi munnange. Ndi ntekemena luse luebe.

Yobe 21:26

Kadi bonsu aba badi amu balala munda mua buloba, anu matuku makese, bikusu bikadi bibadia.

Yowanane 8:24

Ke pandi munuambile ne: nenufuile mu malu enu mabi. Bualu panuikala kanuyi nuitaba ne: “Meme ndi mundi,” nenufue mu malu enu mabi.

Yezekiyele 32:27

Kabena babajike ne lumu muvuabu bajika bena mvita ba bukitu kale, bavua bakuatshisha bantu bowa pa buloba. Bena mvita ba bukitu aba, mbabatume mu kandondu ka bafue, ba-vuala bintu biabu bionsu bia mvita: bavua bateka mutu pa muele, ngabu pa tshiadi.

Yezekiyele 24:13

Yerushalayime we, udi munyanguke bua malu mabi auvua muenze. Mvua musue kukulengeja, kadi kuvua muanyishe to. Nanku, bua wewe kulengela, anu meme muanji kukunyoka ne tshiji tshianyi tshionsu.

Bienzedi 1:25

Apingane Yudase mu mudimu wa bupostolu. Bualu Yudase mmuushiye, muye ku wende muaba.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Yobe 19:20

Ndi ne tshinyanu lelu, mushale amu mifuba pa mifuba nkayayi, mpala wanyi ukadi bu wa muntu mumane kufua.

Yowanane 8:21

Yezu kubambila kabidi ne: — Meme nengumuke. Nenunkebe. Kadi nenufuile mu malu enu mabi. Kanuena mua kuya kundi nya.

Yobe 21:23

Bantu bakuabu badi basomba bimpe too ne ku lufu luabu, kabena ne lutatu, nansha dikenga.

Yobe 21:24

Badi badiunda ne mubidi muimpe, bu wa bansonga.

Yobe 17:16

Bindi mutekemene bidi biya nanyi mu dijimba dia bafue. Tudi tuya kuikisha nabi mu lupuishi.