Yobe 2:11 - MUKANDA WA MYIDI MUKULU

¹¹ Balunda basatu ba Yobe kumvuabu lumu lua makenga onsu avua makuate Yobe. Kumukabu mu matunga abu, mena abu adi nenku: Elifaze, muena mu tshimenga tshia Temane, Bildade wa mu buloba bua Shuka, Sofare wa mu buloba bua Naama. Bavua bumvuangane bua kuya kukolesha Yobe ku muoyi, ne kumusamba.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hakunvua balunda basatu ba Yobo lumu lua makenga au onso akamukuata, bakalua biabo, muntu ne muntu mufume ku muaba wandi, Elifaza, Muena Temana, Biledada, Muena Shuhi, ne Sofa, Muena Nâmata. Bualu bua bakahunga dî bua kulua hohamue bua kudila nʼandi ne bua kumusamba.

Yobe 2:11 Referans Kwoze

Rome 12:15

Sankayi ne badi basanka, nudile ne badi badila.

Yobe 42:11

Nanku, Yobe kuakidila bana babu bonsu ba balume ne ba bakaji, ne bonsu bavua bamumanye kale, kufikabu bua kumusamba. Bavua badila ne Yobe kaba kamue, bamukolesha ku muoyi bua makenga onsu avua Maweja-Nangila mumutumine. Pashishe muntu yonsu uvua umushila lukanu lutoke lua mushinga mukole, ne kakanu ka tshiamu tshia mpawungi.

Yirmeya 49:7

Maweja-Nangila wa bukole buonsu udi umanyisha malu adi atangila bena Edome, wamba ne: Bena meji kabena kabidi mu Temane anyi? Bena lungenyi lutue kabena mua kufila kabidi ngenyi anyi? Lungenyi luabu ndunyanguke anyi?

Nsumuinu 17:17

Mulunda muimpe neakuambuluishe mu malu onsu. Muanetu udi pamue nanyi mu dikenga dionsu.

Yobe 6:14

Muntu udi ukenga, mulunda wende udi ne bua kumusamba. Tshianana, kudi njiwu ya kubengaye kulamata Mvidi Mukulu wa bukole buonsu.

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.

Genese 25:2

Mukaji awu kumulelela bana basambombu: Zimrane, Yokshane, Medane, Madiyane, Ishebake ne Shuwa.

Yowanane 11:19

Bena Yuda ba bungi bavua balue kusamba Marte ne Mariya bua lufu lua muanabu.

Yobe 19:21

Nudi balunda banyi. Nanku nungumvuile luse. Tshianza tshia Mvidi Mukulu ke tshidi tshintuta nenku.

Yobe 16:2

Nkadi mumvumvue malu anudi nuamba. Nudi basue kunsamba, kadi nudi nuntonda. Nudi nungebeja ne:

Yobe 6:19

Bena ngendu ba ku Tema ne ba ku Saba, badi bakeba mayi, baatekemena ne muoyi mujima.

1 Kulondolola 1:32

Abrahame uvua ne mukaji mukuabu, dina diende divua Ketura. Ketura kulela Zimrane, Yoksane, Medane, Madiyane, Ishebake ne Shuwa. Bana ba balume ba Yoksane: ke Saba ne Dedane.

Genese 37:35

Bana bende ba balume ne bakaji kufika bua kumusamba. Yakobe kubenga, wamba ne: “Ndi ndila amu Yozefe too ne mungafua.” Ke muvua Yakobe mutungunuke ne madilu a muanende Yozefe nanku.

Genese 36:15

Bamfumu badi bafuma ku ndelanganyi ya Esawu badi nunku: Elifaze, muanabute, udi nkambua wa bamfumu basambombu: Temane, Omare, Sefo, Kenaze,

Genese 36:11

Elifaze kulela bana ba balume batanu: Temane, Omare, Sefo, Ngatame ne Kenaze.

Ebrewu 13:3

Nuenzele badi mu nzubu wa lukanu bu munutota mua kujinga bua banuenzele mu lukanu. Nuvuluke badibu bakengesha bualu nudi penu ne mubidi.

Yeshaya 51:19

Makenga avua makukuate, amu abidi abidi: kabutu ne tshinyangu, mvita ne tshiyole tshia nzala. Kadi wa kukudila nnganyi? Wa kukukolesha ku muoyi nnganyi?

Nsumuinu 27:10

Kulekedi balunda bebe nansha ba tatuebe. Paudi mu lutatu kuyi kudi muanenu, bualu misangu mikuabu muena mutumba mmupite muanenu udi kule.

Nsumuinu 18:24

Muntu udi ne balunda ba bungi, bobu mene badi mua kumukebela dikenga. Kadi mulunda muimpe mmupite ne muanenu.

Yobe 42:7

Maweja-Nangila mumane kuyukila ne Yobe, kuambilaye Elifaze wa mu tshimenga tshia Temane ne: — Wewe ne balunda bebe babidi, ndi munufikile munda. Bualu kanuena balongesha mu bulelela malu adi antangila, bu muvua muntu wanyi Yobe muenze.

Yobe 19:19

Balunda banyi ba pa muoyi badi bammone, bansesuka. Bonsu bamvua mupite kunanga badi bambenga.

Yobe 18:1

Pashishe Bildade muena Shuka kuakula wamba ne:

Yobe 16:20

Kadi meme ndi mutangile amu kudi Mvidi Mukulu, balunda banyi badi banseka, ndi ne binsonji mesu tente.

Yobe 15:1

Pashishe Elifaze wa mu tshimenga tshia Temane, kuambilaye Yobe ne:

Yobe 13:4

Kadi nuenu bu munudi nupanga kufila meji, nudi nufuikakaja malu a dishima. Nudi bu baminganga badi kabayi mua kuondapa muntu.

Yobe 8:1

Ke Bildade wa mu tshimenga tshia Shuka, kukonka Yobe ne:

1 Kulondolola 7:22

Efrayime kushala mu madilu matuku mavule. Bena diku diende kuvua kumusamba mu madilu amu.

Yobe 42:9

Nanku, Elifaze wa mu buloba bua Temane, Bildade wa mu buloba bua Shuka ne Sofare wa mu buloba bua Naama kuenzabu bivua Mvidi Mukulu mubambile. Pashishe Maweja-Nangila kuitaba ditendelela dia Yobe.

Obadya 1:9

Wewe tshimenga tshia Temane, bilobu biebe bia myita nebikuatshike bowa. Bena myita ba mu ditunga diebe, nebabashipe bonsu.

Genese 36:34

Ushame, wa mu ditunga dia bena Temane,

Yoshua 15:41

Ngederote, Bete-Dagone, Naama ne Makeda. Bimenga bionsu ebi bivua dikumi ne bisambombu; muvua kabidi misoku ivua nabi mutumba.

Yobe 4:1

Pashishe, Elifaze muena mu tshimenga tshia Temane kuambila Yobe ne:

Yobe 11:1

Sofare, muena Naama kuambila Yobe ne: