Yobe 18:8 - MUKANDA WA MYIDI MUKULU

⁸ Makasa ende neamufikishe mu bukondu. Neaye mululame, abuele mu buteyi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu bua makasa andi mene neamubueshe mu bukuondo, nênde ha mutu ha dijimba.

Yobe 18:8 Referans Kwoze

Misambu 9:15

Nenku nemmanyishe bantu badi basangile mu Siyone, mundi nkutumbisha bua bionsu biuvua mungenzele. Nengele mbila ya disanka bualu uvua mumpandishe.

Yobe 22:10

Ke paudi ne baluishi bebe nseke yonsu. Ke padi bowa bupite bunene bukukuata diakamue.

Misambu 35:8

Kabutu kabakuate kabayi bamanye. Bukondu buabu bubakuate. Badishinde mu tshiina tshivuabu bumbule!

2 Timote 2:26

Nanku nebapete tshiakabidi meji malenga. Nebumuke ku mateyi a diabolu uvua mubakuate, mubenzeje muvuaye musue.

1 Timote 6:9

Kadi bantu badi basue kunema amu kunema, nebabuele mu matetshibua. Nkuka yabu mibi mivule neyibakuatshishe mu buteyi, neyibabutule, neyibajimije kashidi.

1 Timote 3:7

Ikale kabidi ne lumu luimpe kudi bantu badi kabayi bena Kristu, bua kabamupepeji. Tshianana udi mua kupona mu mateyi a diabolu.

Yezekiyele 32:3

“Nanku wambila mukalenga wa bena Ejipitu ne: Maweja-Nangila Mvidi Mukulu udi wamba ne: Bantu ba bungi nebasangile muaba umue. Diba adi nenkukuate mu bukondu buanyi. Bantu nebakoke bukondu abu ku tshibungubungu, bakupatula ku mukuna.

Nsumuinu 29:6

Bantu babi badi bapona mu mateyi avuabu bateye. Kadi bantu badi batshina Mvidi Mukulu badi tente ne disanka.

Nsumuinu 5:22

Bilema bidi muntu wenza bidi bu mionji idiye udisuika nayi. Bidi bu buteyi budiye udikuata nabu.

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Estere 7:5

Mukalenga Ahashaveroshe kuebeja mukalenga mukaji Estere ne: — Udi muele meji a kuenza nanku udi penyi? Nnganyi mene?

Estere 6:13

Amane kulondela Zereshe muena kuende, ne balunda bende, bionsu bivua bienzeka abi. Ke balunda bende kumuambila ne: — Mordekayi udibu bakufuishe nende bundu awu mmuena Yuda. Nanku kuena mua kumupita. Neupete amu dikasa dibi.

Estere 3:9

Paudi musue, funda mukanda, ele diyi bua babutule bantu aba. Nanku meme nempeshe bena mudimu badi balongolola malu a bukalenga kilo binunu nkama isatu ya tshiamu tshitoke tshia mushinga mukole, bua babiteke mu tshibutshilu tshia bukalenga.

Yobe 5:5

Bivuaye mupete babidie kudi bantu bakuabu. Nansha yeye muele mpangu meba, bamunyenge bia mu madimi ende, badi ne lukuka badie bia pa madimi ende bionsu.”

Yobe 18:9

Buteyi nebumukuate ku tshikankanya, masoka neamukuate bikole.

Yobe 19:6

Kadi numanye ne; Mvidi Mukulu ke udi mungenzele bibi ebi, ke udi munjingile bukondu buende.

Yeshaya 24:17

Nuenu bantu badi basomba pa buloba, bowa bukole, dijimba, ne buteyi, bidi binuindila.

Yeshaya 24:18

Muntu yonsu wanyema, bua mbila idi mukuatshisha bowa, neapone mu dijimba. Kadi pikalaye mupatuke mu dijimba, buteyi nebumukuate. Mvula wa bungi nealoke mulu. Buloba nebuzakale ne kuinshi kuabu.