Yobe 18:15 - MUKANDA WA MYIDI MUKULU

¹⁵ Nzubu wende neashale munda mutupu, bantu bakuabu badi mua kusombamu. Kadi nebanji kuela buanga mu lupangu luende!

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Mu ntenta wandi nemuikale bintu bidi kabiyi biandi, nebamuangalashe soufre mu muaba wakadiye ushikama.

Yobe 18:15 Referans Kwoze

Misambu 11:6

Bena tshikisu neabalokeshile makala a kapia ne bikanganya. Neabanyoke ne lupepele lua mvunde.

Dielulula 29:23

Nanku, bantu ba bisamba bikuabu bionsu, pamonabu bualu ebu, nebakeme, bebejangana ne: “Maweja-Nangila uvua ne tshiji tshikole nanku bua tshinyi? Uvua mukengeshe bena ditunga edi mushindu ewu bualu kaayi?”

Didimanyisha 21:8

Kadi bena bukata, bantu badi bavila Mvidi Mukulu, bamutombokela, bashipianganyi, benji ba malu a bundu, benji ba malu a majimbu, batendeledi ba nwidie, ne bena dishima bonsu, nebabele mu mayi manene atema kapia ka mvuanda. Mayi manene aa ke lufu luibidi.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Zekâya 5:4

Maweja-Nangila wa bukole buonsu udi wamba ne: Yeye nkayende neele mulawu ewu; neufike mu nzubu mua muivi yonsu, ne mua muntu yonsu udi uditshipa mitshipu ya dishima mu dina dianyi. Mulawu neushale mu nzubu ewu. Neubutule bionsu bidimu, nansha mikamba ne mabue mene.

Yirmeya 22:13

Wewe Yoyakime udi muena dikabi, bualu udi washisha nzubu wa bukalenga, kuyi ukosa nsambu pa yoyi. Udi ulungkaja nzubu ya kulu, kuyi unemeka bantu ne bintu biabu. Udi ukuatshisha bantu midimu, kuyi ubafuta!

Genese 19:24

Diba adi Maweja-Nangila kulokesha mu Sodome ne Ngomore mvula wa kapia kakole ka mfundanga, kela ndimi.

Luke 17:29

Kadi dituku divua Lote mupatuke mu tshimenga tshia Sodome, kapia ne mvuanda bivua biloka, bibutula bantu bonsu.

Yirmeya 49:18

Maweja-Nangila udi wamba ne: Kabutu kabu nebafuanangane ne ka tshimenga tshia Sodome, tshia Ngomore, ne tshia bimenga bidibu nabi mutumba. Muntu nansha umue kakusomba kabidi mu Edome.”

Dielulula 28:24

Maweja-Nangila kakunulokeshila mvula mu madimi enu to. Kadi neanutumine anu butu ne lupuishi, too ne panuabutuka bonsu.

Yobe 15:34

Eyowa, bantu badi kabayi batshina Mvidi Mukulu kabakulela kabidi nansha. Kapia nekabutule nzubu yabu, bualu bavua bayasa ne biuma bipeta mu buivi.