Yobe 17:11 - MUKANDA WA MYIDI MUKULU

¹¹ Matuku anyi a panu mmamane kusemena, bimvua muele meji bua kuenza, bimvua mujinge kabiakukumbana nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Matuku anyi akumana kuhita; malu anakuhangidisha mu mutshima akulua tshianana, meji mene a mu mutshima wanyi.

Yobe 17:11 Referans Kwoze

Yobe 7:6

Matuku anyi a panu adi aya lubilu bu lua buatu bua mashinyi a mutedi wa bilamba. Adi enda ajika, tshiyi mua kutekemena tshintu.

Yeshaya 38:10

Mvua ngamba ne: ndi mfua, mulale panu amu tshia bibidi tshia matuku anyi. Ndi mbuela mu kandondu ka bafue, nkumbajamu matuku antshivua mua kulala panu.

Nsumuinu 16:9

Muntu udi upangadika bua kuenza bualu, kadi Maweja-Nangila ke udi ubujadika, ubukumbaja.

Muadi 3:37

Nganyi udi mua kutuma diyi musangu amu umue, bualu kuenzekabu? Amu Maweja-Nangila ke udi wenza nanku.

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Rome 1:13

Bana hetu, ndi musue mmanye ne: mvua mujadike misangu ne misangu bua kufika kuenu aku. Kadi too ne lelu bavua amu bampumbishe. Mvua mujinge bua mudimu undi nkuata upete tshipeta ne kuenu kabidi, bu mudiwu wenda udiunda mu matunga makuabu a pa buloba.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Nsumuinu 19:21

Muntu udi wela meji a bungi mu muoyi. Kadi amu bidi Mvidi Mukulu ujadika ke bidi bienzeka.

Yobe 17:12

Bu meme ne bua kuitaba balunda banyi, buanyi butuku mmunya. Ndi mumanye ne: butuku mbumane kuila. Kadi nudi nuamba ne: “Butuku mbumane kutshia.”

Yobe 17:1

Ndi ngeyela ne lutatu, muoyi wanyi mmushikile munda, lukita luanyi lukadi buashi.

Nsumuinu 16:1

Muntu udi wela meji bua kuenza bualu kampanda munda muende. Kadi Maweja-Nangila ke udi mua kuamba muende mua ndekelu mudiye mumone.