Yobe 15:8 - MUKANDA WA MYIDI MUKULU

⁸ Pavua Mvidi Mukulu mu tshipangu wela meji, uvua mumuteleje anyi? Ku bantu, anu wewe nkayebe ke udi wela meji anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁸ Wewe udi uteleja matshu ebe ku tshifufu tshidi Nzambi wela, anyi? Wewe udi ubala bakuabo meji bua kuikala nʼau nkayebe, anyi?

Yobe 15:8 Referans Kwoze

Rome 11:34

Ke mudi Mukanda wa tshijila wamba ne: “Udi mumanye meji a Maweja-Nangila nnganyi? Udi mua kuikala mufidi wende wa ngenyi, udiku anyi?

Yirmeya 23:18

Kadi muambi kaayi uvua mubuele nanyi mu tshipangu? Nganyi uvua mumone nansha mumvue tshimvua ngamba meme Maweja-Nangila? Nganyi uvua mujingulule muvua muaku wanyi?”

1 Korente 2:16

Ke padi Mukanda wa tshijila wamba ne: “Udi mumanye lungenyi lua Mfumu nnganyi? Udi mua kumupesha lungenyi udiku anyi?” Kadi lungenyi lua Kristu, tuetu tudi nalu.

Yowanane 15:15

Tshiena nnubikila kabidi bena mudimu. Bualu muena mudimu kena mumanye tshidi mfumuende wenza. Ndi nnubikila balunda. Bualu mvua munumanyishe bionsu bimvua mumvue kudi Tatu wanyi.

Matayi 13:35

Uvua wenza nanku bua kukumbaja miaku ivua Mvidi Mukulu mumanyishe muambi ne: “Nembambile malu mu nsumuinu. Nembamanyishe malu avuabu basokoke bantu, biangatshile ku tshibangidilu tshia buloba.”

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Nsumuinu 3:32

Bualu Maweja-Nangila udi udiwula bantu badi benza malu mabi, kadi udi umvuangana ne bantu bakane.

Misambu 25:14

Badi bitaba Maweja-Nangila, udi ubamanyisha malu ende masokome, ubalongesha mudi ndondu wende.

Yobe 29:4

Mvua mudiumvue bu muntu mukulumpe, bualu Mvidi Mukulu mulunda wanyi, uvua ulama nzubu wanyi.

Yobe 12:2

Bushuwa, amu nuenu nkayenu ke badi ne meji, nuenu bafua, meji adi afua kabidi.

Yobe 11:6

Bu yeye mua kukuleja mushindu udiye ukuata mudimu ne meji mu musokoku, mudimu utudi tuetu bantu katuyi mua kujingulula, nanku diba adi uvua mua kujingulula ne: Mvidi Mukulu udi ulengulula bilema biebe bia bungi.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?