Yobe 15:21 - MUKANDA WA MYIDI MUKULU

²¹ Badi bateleja anu meyi adi abakuatshisha bowa. Badi batshina muluishi, nansha diba didi bionsu mu ditalala.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Tshiona tshia malu adi amukuatshisha buowa tshidi mu matshu andi; hadiye mushikame talalâ, mushihianganyi udi ulua kumubunda.

Yobe 15:21 Referans Kwoze

Yobe 18:11

Nseke yonsu, bowa budi bumukuata, budi bumuipata kuonsu kudiye uya.

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

Lewitiki 26:36

“Kadi bena Izrayele bikale bashale ne muoyi mu ditunga dia baluishi babu, nembakuatshishe bowa bua bungi. Nebanyeme too ne mutoyi wa dibeji dia mutshi dinyungisha kudi lupepela, bu mudi muntu unyema mvita. Nebende badishinda, kakuyi muntu udi ubipata.

1 Korente 10:10

Kanuena ne bua kujana Mvidi Mukulu, muvua bamue ba kudibu benze. Mutumibue, uvuabu batume ne lufu, kubashipa.

Didimanyisha 9:11

Idi ne mukalenga udi uyilombola. Ke mutumibue udi ulama kandondu. Bena Ebrewu badi bamuinyika ne: “Abadone,” bena Ngreke ne: “Apoliyone” (mmomumue ne: Mubutudianganyi).

Misambu 92:7

Muntu udi kayi ne meji, kena mumanye, mutshimbakane kena ujingulula tshintu.

Yobe 27:20

Bowa budi bubakuata bu mudi mayi apasalala. Butuku, lupepele lukole lua mvunde ludi lubapepula luya nabu.

2 Bakalenga 7:6

Bena Siriya bavua mu mitanda, Maweja-Nangila uvua mumane ibatshinyisha ne mutoyi mukole wa bena mvita, bikale ne nyama ya tubalu ne matempu a mvita. Ke bena Siriya kuambilangana ne: “Yorame, mukalenga wa bena Izrayele, mmumane kufuta bakalenga ba bena Iti ne ba bena Ejipitu bua batume bena mvita babu bua kutuluisha.”

Yobe 15:24

Dikenga ne lutatu bidi bibakuatshisha bowa, bu mudi tshituilu tshia mukalenga tshifika lukasa, tshiluisha musangu umue.”

Yobe 18:14

Nebalue kumumusha mu nzubu muende muvuaye musombe talalaa, bua kumufikisha kudi mukalenga wa dijimba dia bafue.

Yobe 20:21

Padiye udia, kena ushila muntu tshintu. Kadi diakalenga diende kadiena dinenga.

Yobe 22:10

Ke paudi ne baluishi bebe nseke yonsu. Ke padi bowa bupite bunene bukukuata diakamue.

Yobe 24:17

Bonsu aba badi batshisha ne miidima. Bualu mbibidilangane amu ne miidima ya butuku.

Nsumuinu 10:24

Tshidi bantu babi batshina tshidi tshibatulukila. Tshidi bantu bakane bajinga badi batshipeta.

Estere 7:6

Estere kuandamuna ne: — Muluishi wetu, kabidi mushipianganyi muena tshikisu, ke Amane. Amane kuzakala bikole kumpala kua mukalenga ne kua mukalenga mukaji.

Nsumuinu 28:1

Muntu udi wenza bibi udi udinyemena nansha kakuyi muntu udi umuipata. Kadi muntu udi ulamata Mvidi Mukulu udi ne dikima bu kana ka ntambue.

Yirmeya 6:26

Bantu banyi bena Izrayele, nuvuale bilamba bia madilu. Nubunguluke mu butu. Nuase miadi, mudibu badila muana mulele umue. Nudile miadi bikole, bualu mushipi wa bantu, neafike kanuyi bamumone to.