Yobe 14:1 - MUKANDA WA MYIDI MUKULU

¹ Muntu udi amu bu muana mulela kudi mukaji. Udi usomba panu amu matuku mabale ku minu, mu dikenga ne mu lutatu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Muntu udi muledibue kudi mukashi udi ne matuku makese a muoyo wandi ne udi mûle tente ne ntatu.

Yobe 14:1 Referans Kwoze

Yobe 5:7

Kadi dikenga dionsu didi difuma munda mua muntu bu mudi tuntolentole tua kapia tupatuka mu kapia.

Muambi 2:23

Midimu yende idi imupetesha amu dikenga ne kanyinganyinga buatshia buatshia. Nansha butuku, lungenyi luende kaluena ne dikisha to. Bushuwa, ebi bionsu kabiena biumvuika nansha!

Yobe 25:4

Muntu udi mua kubinga kumpala kua Mvidi Mukulu anyi? Muntu wa pa buloba udi mua kuikala muakane kumpala kua Mvidi Mukulu anyi?

Yobe 7:1

Bantu badi ne lutatu lukole pa buloba, badi benza mudimu bu bapika.

Genese 47:9

Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

Matayi 11:11

Eyowa, ndi nnujadikila bulelela ne: ku bonsu bavua bamamu balele, kakuena muntu wa buneme mupite Yowanane-Batiste. Kadi udi mushadile ku bonsu mu Bukalenga bua mu diulu, udi mupite Yowanane ku buneme.

Misambu 51:5

Ndi mumanye mundi mukutombokele. Ndi muvuluke bubi buanyi diba dionsu.

Yobe 15:14

Muntu udi udiamba ne tshiena ne mikiya anyi? Udi mua kuamba ne tshiena ne bualu nnganyi?

Yobe 9:25

Matuku anyi adi apita lukasa, mapite muntu udi unyema lubilu, adi ajimina tshiyi muanji kusanka dituku nansha dimue.

Yobe 7:6

Matuku anyi a panu adi aya lubilu bu lua buatu bua mashinyi a mutedi wa bilamba. Adi enda ajika, tshiyi mua kutekemena tshintu.

Muambi 2:17

Nanku bia panu bivua bintonde. Ke meme kudiwula malu onsu adi bantu benza muinshi mua diba, bualu adi a tshianana, adi bu kuipatangana ne lupepele.

Misambu 39:5

Maweja-Nangila, nemfue diba kaayi? Nenshale kabidi ne muoyi matuku bungi munyi? Ungandamune bua mmanye matuku autshidi muntapile.

Genese 3:17

Pashishe Maweja-Nangila Mvidi Mukulu kuambila mulume ne: — Bua pawitabi diyi dia mukajebe, wewe kudia tshimuma tshimvua mukukandike, ndi ntshipa buloba bua tshilema tshiuvua muenze. Tshiakudia tshiebe neutshipete anu pawenza mudimu mukole matuku onsu audi ne muoyi pa buloba.

Yobe 10:20

Matuku anyi a panu mmashale makese. Nanku, lekela kunduisha, umuka kundi bua nsombe talalaa matuku makese andi mushale nawu.

Misambu 89:47

Maweja-Nangila, neusokome kashidi anyi? tshiji tshiebe netshioshe bu kapia too ne diba kaayi?

Yirmeya 20:18

Bavua bandele bua tshinyi? Amu bua kumvua ntatu ne makenga anyi? Amu bua banseke kashidi anyi?

2 Bakalenga 4:19

Diakamue muana kudila, wamba ne: — Eyi tatu! Mutu wanyi! Mutu udi usama! Tatuende kuambila muena mudimu ne: — Muambula, umufile lukasa kudi mamuende.

Yobe 8:9

Tuetu mbatulele amu makelela ewu, katuena bamanye bualu nansha bumue. Matuku etu a panu adi apita bu mudi mundidimbi, adi bu dileji didi dijimina.

Yobe 25:5

Pikala ngondu menemene kayi ukenka, mitotu kayiyi miakane kumpala kua Mvidi Mukulu,

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.