Yobe 13:24 - MUKANDA WA MYIDI MUKULU

²⁴ Udi ungela nyima, ungangata bu muluishi webe bua tshinyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Bualu kai wewe udi usokoka mpala webe kundi, ne udi umbala bu muena lukuna webe?

Yobe 13:24 Referans Kwoze

Yobe 19:11

Udi mumfikishe munda bikole, mmuntangile bu umue wa ku baluishi bende.

Muadi 2:5

Maweja-Nangila mmudienze muluishi wetu. Kupulaye nzubu mimpe yonsu ya mu Izrayele. Kushimbulaye bimenga bivuabu bakoleshe ne bimana. Kutampakajaye dibungama ne mikemu miaba yonsu mu tshisamba tshia bena Yuda.

Misambu 13:1

Musambu wa mu mukanda wa misambu ya Davide, wa mu mukanda wa mulombodi wa bena misambu.

Yeshaya 8:17

Ndi muindile Maweja-Nangila. Mpindiewu udi ulengulula ndelanganyi ya Yakobe. Kadi ndi amu ndama lutulu, ntekemena kudiye.

Misambu 88:14

Maweja-Nangila meme ndi nkubikila bua ungambuluishe, ndi nkutendelela kubangila ku dinda.

Misambu 44:24

Maweja-Nangila, tabuluka! Udi utulengulula bua tshinyi? Bika ku tulu, kutulekedi kashidi to!

Yobe 33:10

Kadi Mvidi Mukulu udi ukeba kungasa amu tshilumbu, bualu udi untangila bu muluishi wende.

Dielulula 32:20

Ke Maweja-Nangila kuamba ne: “Tshiena mua kutekemena kudi bena Izrayele to. Kabena ne kanemu nansha kakese to. Tshiena musue kubalama kabidi to. Nemmone bidi mua kubenzekela.

2 Tesalonike 3:15

Kadi kanumutangidi bu muena lukuna. Numubele amu bu muanenu.

Misambu 10:1

Maweja-Nangila, udi muimanyine kule bua tshinyi? Udi musokome patudi mu dikenga bualu kaayi?

Yobe 31:35

Wampetela muntu udi mua kunteleja nnganyi? Ku miaku yanyi imvua muambe, ndi mua kuela tshiala. Mvidi Mukulu wa bukole buonsu angandamune! Mukanda uvua muluishi wanyi mufunde bua kunsonguela,

Yobe 30:21

Ukadi unkengesha ne tshikisu. Udi musue kundeja bukole buudi nabu.

Yobe 16:9

Wewe kunduisha, kusumakaja menu ne tshiji, wewe kundondakaja. Wewe muluishi wanyi, udi untangila ne lukinu.

Yobe 10:2

Nenkandike Mvidi Mukulu ne: kumfundidi tshibawu to. Kadi ummanyishe tshilumbu tshindi natshi!

1 Samuele 28:16

Mukishi wa Samuwele kukonka Shawule ne: — Udi unkonka meme tshia kuenza bua tshinyi? Udi mumone ne: Maweja-Nangila mmumane kukubenga mmushale muluishi webe.

Yobe 19:22

Nudi badisanga nende bua kunkengesha bua tshinyi? Kanuena banji kupungila bua kuntatshisha anyi?

Yobe 10:16

Kadi pandi mbanduluka, mpeta bukole, udi ungipata meme bu nyama wa ntambue, udi unzaza, wenza nansha malu a kukema, bua kunkuatshisha bowa.

Yobe 10:17

Udi unsongakaja ne bantu bapiabapia, badi banjadikila ne malu a dishima, bua umone mua kumvudijila tshiji tshiebe, kunduisha amu kunduisha mishindu yonsu.

Misambu 44:25

Kuena musue kututangila kabidi bua tshinyi? Udi upua muoyi mudibu batukengesha, batulembakaja anyi?