Yobe 12:5 - MUKANDA WA MYIDI MUKULU

⁵ “Muena dikenga badi bamuseka bikole.” Ke meji a bantu badi kabayi ne lutulu. Muntu udi ukeba kudishinda, badi bamuela museba.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Muntu udi kayi ne ntatu udi uhetula muntu udi ututa dikasa dibi; dihetu diandi didi dialamina badi ne makasa amba kuselemuka.

Yobe 12:5 Referans Kwoze

Matayi 25:8

Mipote ayi kulomba ivua midimuke ne: “Tupeshayiku enu mafuta, bualu miendu yetu idi ikeba kujima.”

Nsumuinu 13:9

Muakane neakenke bu butoke budi buela nsese. Kadi muntu mubi udi bu muendu udi ujima.

Misambu 17:5

Ndi ngenda amu mu njila webe, tshiena mpambukamu nansha kakese.

Luke 12:19

Nengambe ne: Disanka kaayi! Ndi ne bintu bivule bidi mua kungambuluisha bidimu ne bidimu. Mpindiewu ndi mua kuikisha, kudia, kunua, kuondoloka.”

Yirmeya 13:16

Nemekayi Maweja-Nangila Mvidi Mukulu wenu. Tshianana nennutumine miidima, bua nuenu kutetuka pa mikuna, kuenda mu miidima inuvua kanuyi bindile, batekemena munya. Maweja-Nangila kuandamuna butuku, kunutumina miidima, bu mavuba a mvula wa tshipupu.

Nsumuinu 20:20

Padi muntu utshipa tatuende nansha mamuende, neamone matuku ende a panu akoseka bu mudi muendu ujima mu miidima.

Misambu 94:18

Maweja-Nangila, misangu imvua ngamba ne: “Tshiena mua kuimana kulu”, malu ebe mimpe avua angimanyika.

Yobe 18:5

Kadi, anu muendu wa muntu mubi ke udi ujima! Ndimi ya kapia kende kayakukenka kabidi to.

Yobe 16:4

Bu nuenu bikale bu mundi emu, meme muikale munudi amu, mvua mua kuamba malu anudi nuamba nuenu. Mvua mua kunubela panyi ne nsumuinu mimpe. Mvua mua kunyukisha mutu.

Yobe 6:5

Padi bisosa lutenda, nyama ya mpunde mu mpata idi mua kudila anyi? Nyama ya ngombe idi mua kuasa muadi padiyi ne bisosa bivule anyi?

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Yobe 12:4

Pandi ndomba kudi Mvidi Mukulu bua angandamune, tshidi tshingenzekela ntshinyi? Nkadi bu muntu udibu balembakaja kudi balunda bende, udibu bapetula, nansha meme tshiyi ne tshilumbu, tshiyi muenze bibi.

Yobe 12:6

Bena tshikisu badi basomba kabayi bapampakana. Badi bajula tshiji tshia Mvidi Mukulu badi ne ditalala. Bukole buabu ke wabu mvidie, kabena bamanye mvidie mukuabu.