Yobe 10:9 - MUKANDA WA MYIDI MUKULU

⁹ Uvuluke muuvua mumfumbe ne buloba bua diima. Ukadi ukeba kumpingaja mu lupuishi anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Ndi nkutendekena ne, Uvuluke ne, Wewe wakasumba bu dima; neampingishe mu dinfuenkenya dia buloba kabidi, anyi?

Yobe 10:9 Referans Kwoze

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Yeshaya 64:8

Maweja-Nangila, kutuleji tshiji tshipite bukole. Kuvuluki kashidi ntupakanyi itudi nayi. Tudi tukusengelela ne: vuluka mutudi bonsu bantu bebe.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

Yirmeya 18:6

“Nuenu bena Izrayele, meme Maweja-Nangila tshiena ne bukole bua kuenza nenu mudi mufumbi wa ngesu ewu wenza anyi? Nudi mu tshianza tshianyi, bu buloba bua diima mu tshianza tshia mufumbi.

Rome 9:21

Mufumbi wa luesu udi mua kufumba dima mudiye musue. Udi mua kuenza ne dima dia mushindu umue luesu lua mushinga mukole, nansha lua patupu.

Yeshaya 45:9

Muntu udi ukimina kuelangana mpata ne udi mumufuke, mmuena diakabi. Udi amu luesu lua patupu, lufuanangane ne mikuabu yonsu. Diima didi mua kukonka, udi udifumba ne: “Tshiudi wenza ntshinyi?” Luesu ludi mua kuambila mufumbi ne: “Kuena mumanye mudimu webe, anyi?”

Misambu 106:4

Maweja-Nangila, wewe udi upita kufuila bantu bebe luse, utuvuluke. Wewe musungidi, utusungidile.

Misambu 90:3

Udi upingaja bantu mu lupuishi, ubambila ne: “Pinganayi kunudi bafuma.”

Misambu 89:47

Maweja-Nangila, neusokome kashidi anyi? tshiji tshiebe netshioshe bu kapia too ne diba kaayi?

Misambu 25:18

Mona mundi nkenga, ntata bikole. Umfuile luse bua bilema bianyi bionsu.

Misambu 22:15

Bukole buanyi budi bupueka, bu mudi mayi atangalaka. Mifuba idi itukakana, muoyi wanyi wenguluka munda bu manyi.

Yobe 17:14

Ndi ngambila lukita luanyi ne: “Wewe ke tatu wanyi.” Ndi ngambila bikusu ne: “Nuenu ke mamu wanyi, ne muanetu wa bakaji!”

Yobe 7:7

Eyi Mvidi Mukulu, umanye ne matuku anyi a panu adi amu lupepela. Diakalenga dianyi ndimane kujika kashidi.

2 Korente 4:7

Kadi tuetu bavua bapete dipa dinene adi kudi Mueyelu, tudi amu bu ngesu ya dima, bua bantu bamone bimpe mudi bukole ebu bua dikema buikale bua Mvidi Mukulu, kabuyi buetu tuetu.

Yobe 4:19

Nanku, mmunyi mudiye kayi mua kudiwula bantu badi basomba pa nzubu ya pa buloba, bana bavuabu bafimba ne diima, badibu mua kudiata bu tunkenene.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Yobe 10:10

Dituku dikuabu, tatu wanyi kubuelela mamu wanyi mu nzubu, wewe kutuadija kufimba mubidi wanyi munda mua mamu wanyi, bu mudibu bakuatakaja mabele mu luesu.

Yobe 33:6

Wewe ne meme kumpala kua Mvidi Mukulu tudi mumue. Uvua mutufuke bonsu babidi ne diima.

Yobe 34:15

nyama ne bantu, bionsu bivua ne bua kufua musangu umue. Muntu uvua ne bua kupingana amu lupuishi.

Misambu 78:39

uvua uvuluka ne badi amu bantu, badi bu lupepela ludi lupatuka kaluyi lupingana kabidi.

Misambu 104:29

Paudi usokoka mpala webe, bidi bitshina, paudi ubinyenga mueyelu, bidi bifua, bipingana lupuishi kabidi.

Misambu 103:14

Yeye udi mumanye tshitudi, udi uvuluka ne tudi bafuka ne lupuishi.

Yeshaya 64:7

Kadi wewe, Maweja-Nangila, udi amu tatu wetu. Tuetu tudi diima. Wewe ke udi mutufumbe, tudi bonsu bintu biuvua muenze ku bianza biebe.