Yobe 1:22 - MUKANDA WA MYIDI MUKULU

²² Yobe kavua muenze tshilema nansha tshimue mu makenga aa onsu avua mamukuate. Kabidi kavua mujane Mvidi Mukulu ku bualu nansha bumue to.

Mukanda wa Nzambi Dihungila Dikulukulu ne Dihungila Dihia-dihia 2003

²² Mu malu au onso Yobo kakenza bibi, kakabanda Nzambi ne, Udi wenza bibi.

Yobe 1:22 Referans Kwoze

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

Yobe 2:10

Yobe kuandamuna mukajende ne: — Udi wakula bu mukaji udi kayi ne lungenyi to. Patudi tupeta masanka mavule kudi Mvidi Mukulu, tudi tumuanyisha, mutudi mua kumubenga bua makenga adiye ututumina mbishi? Yobe kavua mujane Mvidi Mukulu nansha mu makenga makuabu aa avua mamukuate!

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

Yakobe 1:4

Kadi dinanukila dienu edi didi ne bua kudileja patoke mu malu onsu, bua nuikale bantu ba malu mimpe tshishiki, badi kabayi bakenga kantu.

Rome 9:20

Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”

Yobe 34:10

Nuenu bena meji, nunteleje. Mvidi Mukulu udi mua kuenza bibi anyi? Wa bukole buonsu udi mua kukengesha muntu anyi?

Yobe 2:1

Dituku dikuabu, batumibue ba Mvidi Mukulu bavua bamanyisha Maweja-Nangila bivuabu bamona. Mufundianganyi kufika munkatshi muabu, umanyisha kabidi biende bivuaye mumone.

Muambi 8:14

Kadi badi bamba nenku, badi bakula tshianana. Bualu misangu mivule, makenga awa ne bua kukuata bantu babi, atu akuata amu bantu bimpe. Imue misangu kabidi bantu babi badi bapeta masanka awa bantu bakane ne bua kupeta. Ndi njadika ne: ebi bionsu kabidi bidi tshianana.

Malaki 3:15

Mpindiewu tudi tujadika ne: bena dikamakama ke bena diakalenga; bena buenzavi ke badi balubuluka. Nansha bobu bakeba Mvidi Mukulu lonji, badi amu bapanduka!’ ”