Yirmeya 5:9 - MUKANDA WA MYIDI MUKULU

⁹ Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua tshisamba tshia mushindu ewu anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yehowa udi wamba ne, Tshiena mbakengesha bua malu â, anyi? Mutshima wanyi kawena udisombuela bua ba mu tshisamba bu etshi, anyi?

Yirmeya 5:9 Referans Kwoze

Yirmeya 9:9

Ndi ngela miyenga bualu bua mikuna. Ndi ndila muadi mukole, bualu bua mpata ya mu ditunga. Bualu bintu bionsu bivuamu, mbamane kubinyanga, kubiosha. Muntu kena upitshilamu kabidi to. Nansha muadi wa bimuna kawena umvuikamu kabidi to. Nyunyi ne nyama ya muitu mene mbijiminemu, mbimane kuya bionsu.

Yirmeya 5:29

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua ditunga dia nanku anyi?

Nahume 1:2

Maweja-Nangila Mvidi Mukulu wa mukawu, udi unyoka bantu badi bamubenga. Udi ne tshiji tshikole, udisombuela kudi baluishi bende, kayi ubafuila luse.

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Yezekiyele 7:9

Tshiena mua kunufuila luse, tshiena mua kulengulula bilema bienu. Nennunyoke bua bibi bienu bionsu binudi nuenza kanuyi nupungila. Nanku, nenujadike ne: ke meme Maweja-Nangila udi ununyoka.

Muadi 4:22

Nuenu bena Siyone, tshibawu tshienu tshionsu ntshijike. Kabena baya nenu kabidi mu ditunga dia bende nansha. Kadi nuenu, bena Edome, Maweja-Nangila neanunyoke bua bilema bienu, neasokolole malu enu mabi.

Yirmeya 44:22

Nansha kakese! Maweja-Nangila kavua mua kuanyisha kabidi malu mabi enu. Ke pavuaye mubutule ditunga dienu, mudinyangakaje, bantu kabayi base kabidi mu ditunga edi. Dikadi dikuatshisha bowa. Dikadi bu tshilejilu tshia kutshipa natshi bantu. Nuenu bonsu nudi mua kujadika tshidiye wamba.

Yirmeya 23:2

Bua balami ba mikoku aba, Maweja-Nangila wa Izrayele udi wamba ne: “Nuvua banyishe bua mikoku yanyi ipambuke, itangalake. Kanuvua nayi ne bualu to. Eyowa, meme ndi musue kununyoka, bualu bulami buenu bua mikoku yanyi mbubi. Meme Maweja-Nangila ndi njadika nanku!

Yeshaya 1:24

Ke padi mfumu munene, Maweja-Nangila muena bukole buonsu, Mvidi Mukulu wa bukole wa Izrayele, wamba ne: “Eyi! Nentekeshe baluishi banyi, nensombuele bena lukuna banyi.

Dielulula 32:43

Bisamba bionsu bitumbishe bantu ba Maweja-Nangila. Maweja-Nangila neasombuele bua lufu lua bantu bende. Neanyoke baluishi ba bena Izrayele bonsu. Neafuile ditunga dia bena Izrayele luse, neasambe benadi.

Dielulula 32:35

Dituku dia kabutu, nembasombuele, bua bapete difutu dia buenzayi buabu. Dituku dia kubutula baluishi ba bena Izrayele, dikadi pabuipi, bukole buabu nebujimine.”

Lewitiki 26:25

Nennutumine bena mvita bua baluishe ditunga dienu. Nennunyoke bua ndondu wanyi unudi nunyanga. Nansha nuenu baye kusokoma mu bimenga, nennutumine disama dia kishi. Baluishi benu nebanutshimbakaje.

Yeshaya 57:6

Mabue a busenu a mu musulu, ke tshiuma tshienu tshinudi nutendelela. Anu mabue awu ke anudi nulambula, nunuisha maluvu, ke anudi nulambula bia pa madimi. Ndi nnuebeja ne: bionsu ebi bidi mua kunsankisha anyi?

Yirmeya 5:10

Nentume baluishi bua kunyanga madimi abu a mvinyo adi pa mikuna. Kadi kabakunyangakaja madimi onsu to! Nebakose matamba adi kaayi anyi meme Maweja-Nangila!

Yirmeya 32:31

Tshimenga tshia Yerushalayime etshi katshia batshibaka, tshivua amu tshimfikisha munda, tshingenza tshiji, too ne lelu. Nanku, tshiena musue kutshimona kabidi ne mesu to.

Muadi 3:42

Tuvua bakutombokele. Kadi wewe Maweja-Nangila kuena mutufuile luse to.

Lewitiki 18:25

Nenku ditunga kabidi divua dimane kupia mikiya. Ke mumvua mudinyoke. Dikadi dibenga benadi.

Nsumuinu 6:29

Ke mudi muntu, udi ubuelela mukaji wa bende mu nzubu, upia tshibawu.

Yirmeya 6:6

Maweja-Nangila Mvidi Mukulu wa bukole buonsu, kutumina baluishi betu diyi, wamba ne: “Tapayi mitshi. Imanyikayi mushiki wa buloba bua kuluisha Yerushalayime.” Mbimpe kunyoka tshimenga etshi, bualu benatshi badi bakengeshangana bikole.

Yirmeya 6:11

Maweja-Nangila, tshiji tshikole tshiudi wewe natshi, meme kabidi ndi amu natshi. Tshiena kabidi ne mushindu wa kutshituyisha to. Tangalaja tshiji tshianyi atshi ne kudi bana badi mu misesu. Utshipumuine bansonga muaba udibu basangile. Batatu ne bamamu, bakulakaje ne bikunda, nebabakuate bonsu baye nabu mu bupika.

Yirmeya 9:8

Maweja-Nangila udi wamba ne: Tshiena mua kunyoka bantu aba anyi? Tshiena mua kusombuela tshisamba tshia mushindu ewu anyi?”