Yirmeya 3:3 - MUKANDA WA MYIDI MUKULU

³ Nanku meme Maweja-Nangila, ndi mubenge bua mvula kaloki nansha ku ntuadijilu nansha ku ndekelu kua tshidimu. Kadi, wewe ne tshitunu udi wenda amu tshiendenda, kuyi utonda bubi buebe.

Mukanda wa Nzambi Dihungila Dikulukulu ne Dihungila Dihia-dihia 2003

³ Nunku Nzambi wakukanda nvula ya diambedi, ne nvula mishishe kayena miloke; kadi wewe udi ne mpala wa muena masandi, udi ubenga kukuatshika bundu.

Yirmeya 3:3 Referans Kwoze

Lewitiki 26:19

Bua kujikija ditambisha ne tshitunu tshinudi natshi, tshiena unulokeshila mvula to. Biakudia kabiena bitoloka to. Diulu nedikole bu tshiamu, buloba nebuume bu tshiamu tshikunze.

Yirmeya 14:4

Babidime badi ne dibungama. Kanyinganyinga kadibu naku kadi kamueneka. Badi bamona buloba buela mitanta, bualu mvula kavua muloke to.

Yirmeya 14:22

Ku mvidie yonsu ya patupu ya pa buloba, udi mua kulokesha mvula mvidie kaayi? Tshibuashibuashi nkayatshi katshiena mua kulokesha mvula, kadi amu wewe Maweja-Nangila. Mvidi Mukulu wetu, tudi bakutekemena, bualu amu wewe ngudi wenza malu onsu.

Yirmeya 5:24

Kadi nuvua mua kuamba ne: “Tudi mua kunemeka bumfumu bua Maweja-Nangila Mvidi Mukulu wetu. Bualu udi utupa mvula amu pa diba diende. Kabidi ku tshidimu tshionsu udi ukuata mudimu, bua bintu bia mu madimi bipie diba diakane.”

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Dielulula 28:23

Diulu nedikale dikole bu tshiamu tshikunze pa mitu yenu. Buloba nebuikale bushile bu tshiamu ku makasa enu.

Agayi 1:11

Meme kunutumina minanga mu ditunga: pa mikuna, mu madimi a ntete ya kuenza bukula, a mionji ya nwinyo, a mitshi ya olive, ne mu madimi a bikunyibua bikuabu bionsu. Bantu ne nyama kukenga ku minanga ayi. Nanku, nuvua bakuate mudimu amu tshianana.”

Amosa 4:7

Mvua mukandike mvula bua kaloki, tshikondu tshivua bia pa madimi bikengela mayi. Mvua mulokeshe mvula mu tshimenga kampande, mu tshimenga tshikuabu, mvua mumukandike. Budimi bumue buvua bupete mayi mavule, bukuabu buvua bufuba ne munanga.

Yirmeya 9:12

Maweja-Nangila nkayende kuandamuna ne: “Bualu bantu mbabenge mikenji imvua mubapeshe. Kabena bateleja nansha bakumbaja bimvua mubambile to.

Yirmeya 8:12

Bantu aba, kabena banyingalala to, kabena ne bundu nansha bukese bua buenzavi buabu. Kabena bamanye mua kutonda bubi buabu. Nanku Maweja-Nangila udi wamba ne: nebabutuke pamue ne bena Izrayele bakuabu, nebadishinde panshi musangu umue, ne bonsu bandi nyoka.

Yirmeya 6:15

Bantu aba kabena banyingalala to. Kabena ne bundu nansha bukese bua buenzavi buabu, kabena nansha bamanye kutonda bubi buabu. Nebabutuke pamue ne bantu bakuabu bonsu. Nebajimine musangu umue ne bonsu bandi nnyoka.

Sefanya 3:5

Kadi Maweja-Nangila udi amu mu tshimenga etshi, bua kukosa nsambu pa yoyi, kumushamu malu mabi. Dinda dionsu udi ulumbuluisha bantu. Kadi nansha nanku, bantu babi badi amu benza malu mabi, kabayi ne bundu!

Yezekiyele 3:7

Kadi bena Izrayele kabena mua kukuteleja to. Bualu kabena basue kunteleja meme. Badi bantu ba tshitunu, badi ne muoyi mupape.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.

Nehemya 9:17

Bavua babenga kuyitumikila. Kabavua bavuluke malu a dikema, auvua mubenzele. Kukutombokelabu. Bavua basue kupingana mu Ejipitu mu bupika. Kadi wewe, udi Mvidi Mukulu udi ubuikila bubi bua bantu, udi ne luse ne dinanga, lutulu ne muoyi mulenga. Nanku, kuena mubalengulule to.

Yirmeya 14:3

Bamfumu badi batuma bena mudimu babu bua kusuna mayi, Padibu bafika ku biina bia mayi, badi babisangana kamuyi mayi nansha makese. Badi bapingana bapungile, bapampakana, binyike mitu panshi, bipanza bia mayi munda mutupu.

Yirmeya 36:2

— wangata muvungu wa tshiseba, ufundemu malu onsu amvua mukuambile adi atangila bukalenga bua Izrayele, bukalenga bua Yuda, ne bisamba bikuabu biangatshile tshikondu tshia Yoshiya, pamvua mutuadije kukuambila malu too ne lelu.

Sefanya 2:1

Nuenu badi kabayi ne bundu, elayi meji bimpe, nudikonke, nudilengeje,

Genese 19:34

Butshia muanabute kuambila muakunyende ne: — Ngaladi ne tatu butuku ebu. Tumunuishe kabidi maluvu lelu. Pakuatshikaye, umanyangane pebe nende bua tumulelele bana.

Nsumuinu 21:29

Muntu mubi udi wenda ne dikima. Kadi muntu muimpe udi wenza malu ende onsu kayi upampakana.

Yirmeya 5:25

Buenzayi buenu mbunyangishe bionsu ebi. Bubi buenu kunupangisha masanka onsu aa.

Yirmeya 14:1

Ke bivua Maweja-Nangila wambila Yirmeya bua bipupu bidi bifuma ku munanga.

Amosa 4:8

Bantu ba mu bimenga bibidi, bisatu, bavua benda, bakoka makasa panshi, bakeba mayi a kunua mu tshimenga tshikuabu, kabayi baapeta makumbane. Kadi nansha biobi nanku, kanuena bapingane kundi. Meme Maweja-Nangila ndi njadika nanku.