Yirmeya 27:3 - MUKANDA WA MYIDI MUKULU

³ Pashishe, uyitume kudi mukalenga wa bena Edome, wa bena Mowabe, wa bena Amone, kudi mukalenga wa bena Tire, too ne kudi mukalenga wa bena Sidone. Bua bakalenga aba bayipete, ufile mitshi eyi kudi bamienampala ba bakalenga abu bavua bafika mu Yerushalayime bua kumonangana ne Sedekiya mukalenga wa bena Yuda.

Mukanda wa Nzambi Dihungila Dikulukulu ne Dihungila Dihia-dihia 2003

³ ubitume kudi mukelenge wa Edome, kudi mukelenge wa Moaba, kudi mukelenge wa Bena Amona, kudi mukelenge wa Tulo ne kudi mukelenge wa Sidona, mu bianza bia miloho yabo yakulua ku Yelushalema kudi Sedekiya, mukelenge wa Yuda.

Yirmeya 27:3 Referans Kwoze

Amosa 1:9

Telejayi tshidi Maweja-Nangila wamba ne: “Ndi ndumbuluisha bena Fenisiya ba mu Tire, mbapisha bua malu mabi mavule, kadi nangananga, bualu kabavua bavuluka ndondu uvuabu batue ne bena Izrayele. Mu misoku mivule mbakuate bantu bonsu, baye nabu, babasumbishe kudi bena Edome. Nanku tshiena mua kubafuila luse! Nenkumbaje bindi mujadike ne:

Yezekiyele 29:18

— Yezekiyele, Nebukadnesare mukalenga wa Babilone uvua muenzeje bena mvita bende mudimu mukole bua kuluisha Tire. Nanku bena mvita bende badi mpindiewu ne mabala pa mitu, bapuluka pa makaya. Kadi, nansha mukalenga nansha bena mvita bende, kabena bapeta kantu mu mvita ya Tire to.

2 Kulondolola 36:13

Mukalenga Nebukadnesare uvua mulombe mukalenga Sedekiya bua amuitabe, aditshipe, atele dina dia Maweja-Nangila. Kadi, nansha Nebukadnesare muenze nanku, Sedekiya uvua amu mumutombokele. Uvua ne tshitunu, mubenge mushidishe, kayi musue kupingana kudi Maweja-Nangila Mvidi Mukulu wa bena Izrayele.

Yeshaya 23:4

Nuenu bena Sidone, nudi mua kumvua bundu, ne nuenu kabidi bena tshimenga tshia Tire tshivuabu bakoleshe ne bimana. Mayi manene, adi kaayi amona matu, adi amba ne: “Ndi bu mamu uvua kayi mumvue makenga, kayi mulele bana, kayi mukele bana ba balume, kayi mukoleshe bana ba bakaji.”

Yirmeya 27:4

Bamienampala abu, ubambile ne: Numanyishe bakalenga tshidi Maweja-Nangila wa bukole buonsu Mvidi Mukulu wa Izrayele, ubambila ne:

Yirmeya 27:12

Yirmeya uvua mumanyishe Sedekiya, mukalenga wa bena Yuda, malu a mushindu umue, umuambila ne: — Wewe ne bantu bebe, nudi ne bua kuanyisha mua kuambula mutshi wa bupika udi Nebukadnesare, mukalenga wa mu Babilone, muteke pa makaya enu. Numuenzele mudimu, yeye ne bantu bende. Nanku kanuakufua to.

Yirmeya 28:1

Tshidimu atshi, mu ngondu muitanu wa tshidimu tshinayi tshivua Sedekiya mu bukalenga bua bena Yuda, muambi Ananiya, muana wa Azure, wa mu tshimenga tshia Ngibone, uvua mu nzubu wa Mvidi Mukulu. Kuambilaye Yirmeya, batuangaji, ne bantu bakuabu bonsu bavua muaba awu, bamuteleja, ne: