Yirmeya 26:11 - MUKANDA WA MYIDI MUKULU

¹¹ Ke batuangaji ne bambi kuambila balombodi aba ne bantu bavua muaba awu ne: — Muntu ewu, mbimpe bamushipe, bualu uvua muambe tshimenga tshia Yerushalayime bibi. Nuenu mene nuvua badiumvuile.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mu diba adi bakuidi ne baprofete bakambila baminyampala ne bantu bonso ne, Muntu eu udi ne bualu bua kufua; bualu bua yeye wakuamba mei mabi bua musoko eu, bu munuakunvua ku matshu enu.

Yirmeya 26:11 Referans Kwoze

Yirmeya 38:4

Balombodi ba bena mvita aba mbamane kumvua muvua Yirmeya muambe, kuambilabu mukalenga Sedekiya ne: — Tudi tulomba bua kushipa Yirmeya ewu. Bionsu bidiye wamba, bidi bitekesha bikole bena mvita ne bantu badi bashale mu tshimenga. Muntu ewu udi utukebela amu diakabi. Kena bualu ne diakalenga dietu to.

Matayi 26:66

Nudi nukosa tshilumbu tshiende bishi? Kumuandamunabu ne: — Muntu awu mmuena tshibawu! Tshiende ndufu!

Dielulula 18:20

Kadi pikala muambi wakula ne dikamakama mu dina dianyi meme Maweja-Nangila, wamba malu andi tshiyi mumuambile, nansha pikalaye wamba malu mu dina dia mvidie mikuabu, muambi awu neafue.”

Bienzedi 22:22

Bantu bavua bateleja Polu too ne ku miaku eyi. Ke kushishabu kuela mbila ne: — Muntu awu tshiende ndufu! Mushipayi! Tshidiye wenza pa buloba ntshinyi?

Yowanane 19:7

Bena Yuda kumuandamuna ne: — Tudi ne mikenji, bilondeshile mikenji eyi, muntu ewu udi ne bua kufua. Bualu uvua muambe ne: ndi Muana wa Mvidi Mukulu.

Yowanane 18:30

Kumuandamunabu ne: — Bu yeye kayi muenzayi, katuvua mu kumufila kuudi to.

Yirmeya 18:23

Wewe Maweja-Nangila udi mumanye bionsu, bidibu benza bua kunshipesha. Kuena mua kubafuila luse. Kuena mua kulengulula bilema biabu. Ubele panshi, ubaleje tshiji tshiebe!

Yirmeya 26:16

Nanku balombodi ba mu bukalenga ne bantu bonsu kuambila batuangaji ne bambi ne: — Kabashipi muntu ewu nansha! Bualu mmutuambile menemene malu mu dina dia Maweja-Nangila Mvidi Mukulu wetu.

Balombodi 6:30

Ke kuambilabu Yowashe ne: — Ufike ne muanebe apa, bua tumushipe, bualu mmupule tshilambuilu tshia Baale, ne dikunji dia kutendelela divua diasa ku luseke.