Yirmeya 23:2 - MUKANDA WA MYIDI MUKULU

² Bua balami ba mikoku aba, Maweja-Nangila wa Izrayele udi wamba ne: “Nuvua banyishe bua mikoku yanyi ipambuke, itangalake. Kanuvua nayi ne bualu to. Eyowa, meme ndi musue kununyoka, bualu bulami buenu bua mikoku yanyi mbubi. Meme Maweja-Nangila ndi njadika nanku!

Mukanda wa Nzambi Dihungila Dikulukulu ne Dihungila Dihia-dihia 2003

² Nunku Yehowa, Nzambi wa Isalele, udi wamba dî edi bua kuhisha balami badi badisha bantu bandi ne, Nuenu nuakutangadisha mikoko yanyi, nuakuyihata, kanuakulua kuyitangila. Nunku Yehowa udi wamba ne, Tangilai, nennutumine makenga bua bienzedi bienu.

Yirmeya 23:2 Referans Kwoze

Mika 7:4

Bu mu mionji ya mpesa tshisumbu, kamuena bualu buimpe nansha bumue munkatshi muabu. Nansha muntu wa kudibu udi ubenga malu mabi, udi mubi mupite lupangu lua mingonga. Kadi dituku dia kununyoka, divua bambi benu banubela nadi, dikadi disemena pabuipi. Bowa mbumane kunukuata.

Yirmeya 21:12

Nuenu bantu ba mu diku dia Davide, telejayi tshidi Maweja-Nangila wamba. Udi wamba ne: Ku dituku ku dituku panualumbulula bilumbu, nukose nsambu amu pa yoyi. Bantu badibu banyenga bintu biabu, nubapatule mu bianza bia badi babakengesha. Tshianana tshiji tshianyi netshijuke bu mudi kapia kadi kuosha bionsu, kapia kadi muntu kayi mua kujima. Bualu nuvua benze malu mabi mapite bungi.

Ekesode 32:34

Wewe ndaku, ufikishe bantu muaba umvua mukuambile, mutumibue wanyi neakulombole. Kadi diba dingafika, ndi ne bua kubanyoka bikole bua tshilema tshidibu benza etshi.

Yirmeya 23:34

Pikala muambi, mutuangaji, nansha muntu mukuabu, webeja ne: “Bujitu budi Maweja-Nangila muteke pambidi petu mbujitu kaayi” nemmunyoke yeye ne bena diku diende.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

Matayi 25:43

Mvua muenyi, nuenu nansha kumbueja mu nzubu. Mvua butaka, nuenu nansha kumvuadika tshilamba. Mvua nsama, nansha mu lukanu, nuenu nansha kuvua kunkumbula.”

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Yirmeya 13:21

Pawamona balunda bebe bakuvuila bua kudia bumfumu mu ditunga ne bua kukukengesha, newambe tshinyi? Newikale ne dikenga bu dia mukaji pa lulelu.

Yirmeya 11:22

Nanku, Maweja-Nangila udi wandamuna ne: “Nennunyoke. Bansongalume benu nebafue mu mvita. Tshiyole tshia nzala netshishipe bana benu ba balume ne ba bakaji.

Yirmeya 8:12

Bantu aba, kabena banyingalala to, kabena ne bundu nansha bukese bua buenzavi buabu. Kabena bamanye mua kutonda bubi buabu. Nanku Maweja-Nangila udi wamba ne: nebabutuke pamue ne bena Izrayele bakuabu, nebadishinde panshi musangu umue, ne bonsu bandi nyoka.

Yirmeya 5:29

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua ditunga dia nanku anyi?

Yirmeya 5:9

Maweja-Nangila udi ukonka ne: Tshiena mua kunyoka bantu aba anyi? Tshiena mua kudisombuela bua tshisamba tshia mushindu ewu anyi?

Matayi 25:36

Mvua butaka, nuenu kumvuadika tshilamba. Mvua nsama, nuenu kunkumbula. Mvua mu lukanu, nuenu kuvua kunsamba.”

Yirmeya 10:21

Balombodi betu mbenze tshilema. Bavua bu bantu ba bidingidingi. Kabena bakonka Maweja-Nangila malu. Ke muvuabu bapange malu bikole. Ke muvuabu batangalaje bana betu bena tshisamba tshietu bonsu.

Yirmeya 13:17

Panudi kanuyi nuteleja mubelu ewu, nendile muadi nkayanyi ku mpenga bua ditambisha dienu dinene. Nempuekeshe binsonji bua tshisumbu tshia mikoku ya Maweja-Nangila, tshidi tshiya mu bupika.

Yirmeya 13:20

Yerushalayime, tangila malu adi enzeka: Baluishi bebe badi bafuma ku mutu kua ditunga. Bantu bandi mukupeshe badi penyi? Meme kubateka mu bianza biebe bua wewe kubalama, bu mudi mulami ulama mikoku yende. Wewe kuditemba bua mikoku ayi. Kadi ikadi penyi?

Yirmeya 44:22

Nansha kakese! Maweja-Nangila kavua mua kuanyisha kabidi malu mabi enu. Ke pavuaye mubutule ditunga dienu, mudinyangakaje, bantu kabayi base kabidi mu ditunga edi. Dikadi dikuatshisha bowa. Dikadi bu tshilejilu tshia kutshipa natshi bantu. Nuenu bonsu nudi mua kujadika tshidiye wamba.

Yezekiyele 34:5

Nanku mikoku kupanga mulami, kutangalaka. Kuyikuatabu, kuyidiabu kudi nyama ya muitu.

Zekâya 11:16

Bualu ndi musue kutuma mulami mukuabu wa mikoku mu ditunga: kakutangila mikoku idibu bakeba kushipa, kakukeba idi mijimine, kakuondapa idibu batape, kakudisha itshidi mishale ne bukole. Kadi neadie munyinyi wa idi ne manyi; neayiboze bikonu, bua kayinyemi.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Zekâya 10:3

“Balami ba bisamba bikuabu, badi balombola bantu banyi, babakengesha, ndi mubafikile munda; nembanyoke. Eyo, meme Maweja-Nangila wa bukole buonsu, ndi ngamba nanku. Meme nkayanyi nendame mikoku yanyi, tshisamba tshia bena Yuda. Nenye natshi mu mvita, bu kabalu kanyi kadi katshimuna.